തട്ടുകട സ്റ്റൈല്‍ മുളക് ബജ്ജി തയ്യാറാക്കാം സിംപിളായി

തട്ടുകട സ്റ്റൈല്‍ മുളക് ബജ്ജി തയ്യാറാക്കാം സിംപിളായി. നല്ല ക്രിസ്പിയായി മുളക് ബജ്ജി വീട്ടില്‍ തയ്യാറാക്കുന്നത് എങ്ങനെയാണെന്ന് നോക്കിയാലോ ?

ചേരുവകള്‍

ബജി മുളക്- 10 എണ്ണം

കടല മാവ് – 1 കപ്പ്

അരിപൊടി – 2 ടേബിള്‍ സ്പൂണ്‍

കാശ്മീരി മുളക് പൊടി- 2 ടേബിള്‍ സ്പൂണ്‍

ഉപ്പ് – ആവശ്യത്തിന്

വെള്ളം – പാകത്തിന്

മഞ്ഞള്‍ പൊടി- 1/4 ടേബിള്‍ സ്പൂണ്‍

കായ പൊടി – ഒരു നുള്ള്

വെളുത്തുള്ളി ഇഞ്ചി പേസ്റ്റ് – 1/2 ടേബിള്‍ സ്പൂണ്‍

പാചക രീതി

കടല മാവ്, അരിപൊടി, കാശ്മീരി മുളക് പൊടി, ഉപ്പ്, വെളുത്തുള്ളി ഇഞ്ചി പേസ്റ്റ്, മഞ്ഞള്‍ പൊടി, കായ പൊടി എന്നിവ വെള്ളം ചേര്‍ത്ത് നല്ല ദോശമാവിന്റെ കട്ടിയില്‍ കലക്കിയെടുക്കുക. ശേഷം ഒരു കടായിയില്‍ എണ്ണ ചൂടാക്കി ബജി മുളക് ഓരോന്നായി മാവില്‍ മുക്കി പൊരിച്ചെടുക്കാം. സോസിനൊപ്പം ചൂടോടെ വിളമ്പുക