ഇരിട്ടി ഇ പ്ലാനെറ്റിൽ മോഷണം; ഷട്ടറിന്റെ പൂട്ട് തകർത്ത നിലയിൽ

ഇരിട്ടി: ഇരിട്ടി പയഞ്ചേരി മൂക്കിലുള്ള ഇ-പ്ലാനറ്റ് ഗൃഹോപകരണ ഷോറൂമിലാണ് മോഷണം നടന്നത്. വ്യാഴാഴ്ച രാവിലെ ഒമ്പത് മണിയോടെയാണ് സ്ഥാപനം തുറക്കാനെത്തിയ ജീവനക്കാർ ഷട്ടർ തകർത്തത് കണ്ടത്. സ്ഥാപനത്തിന്റെ മുൻവശത്തെ ഷട്ടറിന്റെ മധ്യഭാഗത്തുള്ള ലോക്ക് തകർത്താണ് മോഷ്ടാക്കൾ അകത്ത് കടന്നതെന്നാണ് പ്രാഥമിക നിഗമനം. അകത്തുള്ള ക്യാഷ് കൗണ്ടറുകളും മൊബൈൽ ഫോൺ ഉൾപ്പെടെ സൂക്ഷിച്ചിരുന്ന ഭാഗങ്ങളും വാരിവലിച്ചിട്ട നിലയിലായിരുന്നു. മോഷണ സംഘത്തിൽ മൂന്നുപേർ ഉൾപ്പെട്ടിട്ടുണ്ടാകുമെന്നാണ് പോലീസിന്റെ നിഗമനം. ഇരിട്ടി പ്രിൻസിപ്പൽ SI കെ. ഷറഫുദ്ദീന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണം ആരംഭിച്ചു. മോഷ്ടാക്കൾ കടത്തിക്കൊണ്ടുപോയ സാധന സാമഗ്രികളുടെയും നഷ്ടത്തിന്റെയും കൃത്യമായ വിവരങ്ങൾ പരിശോധിച്ച് വരികയാണ്.