ഗ്ലാസ്ഗോ കോമൺവെൽത്ത് ഗെയിംസ്: വെള്ളിത്തിളക്കത്തിലും നിരാശ മറയ്ക്കാതെ മുരളി ശ്രീശങ്കർ

 

തന്റെ പ്രകടനത്തിൽ പൂർണ്ണ തൃപ്തനല്ല എന്ന് ഗ്ലാസ്ഗോ കോമൺവെൽത്ത് ഗെയിംസിൽ ഇന്ത്യയ്ക്കായി വെള്ളി മെഡൽ നേടിയ ലോങ്ങ് ജമ്പ് താരം മുരളി ശ്രീശങ്കർ. വെള്ളി മെഡൽ നേടിയതിൽ സന്തോഷമുണ്ടെന്നും എന്നാൽ താൻ ലക്ഷ്യമിട്ട സ്വർണ്ണം നേടാൻ കഴിയാത്തതിനാൽ തൃപ്തനല്ലെന്നും താരം പറഞ്ഞു.

ഗ്ലാസ്ഗോയിൽ 8.09 മീറ്റർ ദൂരം ചാടി കടന്നാണ് ശ്രീശങ്കർ വെള്ളി മെഡൽ സ്വന്തം പേരിലാക്കിയത്. ഇതോടെ തുടർച്ചയായ രണ്ടാം വെള്ളി മെഡലാണ് താരം കോമൺവെൽത്ത് ഗെയിംസിൽ സ്വന്തമാക്കിയത്. ബെർമിംഗ്ഹാമിൽ നടന്ന കഴിഞ്ഞ ഗെയിംസിലും ശ്രീശങ്കർ വെള്ളി മെഡൽ സ്വന്തമാക്കിയിരുന്നു. ശ്രീശങ്കർ ഉയർത്തിയ കനത്ത വെല്ലുവിളി അതിജീവിച്ച ജമൈക്കൻ താരം തജയ് ഗെയ്ലിനാണ് സ്വര്‍ണ മെഡൽ. 8.15 മീറ്റര്‍ ദൂരമാണ് ജമൈക്കൻ താരം ചാടി കടന്നത്. 8.08 മീറ്റര്‍ ചാടിയ സ്‌കോട്ട്ലന്‍ഡ് താരം സ്റ്റീഫന്‍ മക്കെന്‍സി വെങ്കല മെഡല്‍ സ്വന്തമാക്കി.

മൂന്നു സ്വർണവും ഒൻപത് വെള്ളി മെഡലുകളുമടക്കം പതിനഞ്ചു മെഡലുകളാണ് ഇതുവരെ ഇന്ത്യൻ താരങ്ങൾ സ്വന്തമാക്കിയിട്ടുള്ളത്. നീരജ് ചോപ്ര അടക്കമുള്ള പ്രമുഖർ കളത്തിലിറങ്ങുന്നതിനാൽ കൂടുതൽ മെഡലുകൾ ഇന്ത്യൻ ആരാധകർ പ്രതീക്ഷിക്കുന്നുണ്ട്. 47 സ്വർണ്ണവും 21 വെള്ളിയുമടക്കം 102 മെഡലുകൾ നേടിക്കഴിഞ്ഞ ഓസ്‌ട്രേലിയയാണ് മെഡൽ പട്ടികയിൽ ഒന്നാമത്.