വൈദ്യുതി ബോർഡിൽ ജീവനക്കാർക്ക് അർഹമായ ആനുകൂല്യം നൽകണം :അഡ്വ.മാർട്ടിൻ ജോർജ്ജ്

 

 വൈദ്യുതി ബോർഡിൽ അടിസ്ഥാന മേഖലയിൽ 9 വർഷമായി മുടങ്ങിക്കിടക്കുന്ന നിയമനങ്ങൾ PSC വഴി എത്രയും പെട്ടെന്ന് നടത്തി അധിക ജോലിഭാരം കാരണം കഷ്ടപ്പെടുന്ന ജീവനക്കാരെ അർഹമായ ആനുകൂല്യങ്ങൾ നൽകാതെ വഞ്ചിക്കുന്ന ബോർഡ് നടപടികൾ തിരുത്തണമെന്ന്  DCC പ്രസിഡന്റ്  അഡ്വ.മാർട്ടിൻ ജോർജ് ആവശ്യപ്പെട്ടു.

 കണ്ണൂരിൽ കേരള ഇലക്ട്രിസിറ്റി എംപ്ലോയീസ് കോൺഫെഡറേഷൻ ജില്ലാ കൺവെൻഷൻ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സർവീസിൽ നിന്ന് റിട്ടയർ ചെയ്യുന്ന 14 ഓളം യാത്രയയപ്പും, ഉപഹാരസമർപ്പണവും ഇതിനോട് അനുബന്ധിച്ച് നടന്നു. യൂണിയൻ ജില്ലാ പ്രസിഡണ്ട് കെപിസിസി മെമ്പർ  രാജീവൻ എളയാവൂർ ചടങ്ങിൽ  അധ്യക്ഷത വഹിച്ചു. യൂണിയൻ സംസ്ഥാന പ്രസിഡണ്ട് മുൻ എംപി കെ പി ധനപാലൻ മുഖ്യാതിഥിയായിരുന്നു. സംസ്ഥാന വർക്കിംഗ് പ്രസിഡണ്ട് സിബിക്കുട്ടി ഫ്രാൻസിസ് മുഖ്യപ്രഭാഷണം നടത്തി. യൂണിയൻ ജില്ലാ സെക്രട്ടറി ദിനേഷ് കുമാർ കെ, സ്വാഗതം പറഞ്ഞു. INTUC കണ്ണൂർ ജില്ലാ പ്രസിഡണ്ട്  ജോസ് ജോർജ് പ്ലാത്തോട്ടം, കെ അബ്ദുൽ ഗഫൂർ, പ്രസാദ് വി,ഖാജ. കെ, സന്ദീപ് കെ ആർ, പ്രമോദ് കുമാർ  പി. കെ, ഷാജി ടി.വി, ദിനേശ് ചന്ദ്രൻ, പ്രഭാകരൻ ഇ.വി, മോഹനൻ കെ, നദീർ യു വി എന്നിവർ സംസാരിച്ചു.