സ്ത്രീകളെ ഉപയോഗിച്ച്‌ മുക്കുപണ്ടം പണയം വെച്ച്‌ പണം തട്ടുന്ന വേറ്റിനാട് സ്വദേശി അറസ്റ്റിൽ

സ്ത്രീകളെ ഉപയോഗിച്ച്‌ മുക്കുപണ്ടങ്ങള്‍ ഗ്രാമീണ മേഖലയിലെ സ്വകാര്യ ഫൈനാൻസുകളില്‍ പണയം വെപ്പിച്ച്‌ പണം തട്ടുന്ന വിരുതൻ അറസ്റ്റില്‍. വെബായം വേറ്റിനാട് വൈ.എം.സി കോട്ടേജില്‍ നിന്ന് ഉള്ളൂർ കല്ലമ്പള്ളിയിൽ താമസിക്കുന്ന ഡിജോ ഡാർവിൻ (36) നെയാണ് വലിയമല പൊലീസ് അറസ്റ്റ് ചെയ്തത്. പരുത്തിക്കുഴി സൂര്യ ഫൈനാൻസില്‍ ചിത്ര എന്ന സ്ത്രീയെ കൊണ്ട് മുക്കുപണ്ടം പണയം വെപ്പിച്ച്‌ രണ്ട് ലക്ഷം രൂപ തട്ടിയെത്ത കേസിലാണ് അറസ്റ്റ്. കേസിലെ രണ്ടാം പ്രതി ചിത്രയെ പൊലീസ് നേരത്തെ അറസ്റ്റ് ചെയ്ത് റിമാൻഡ് ചെയ്തിരുന്നു. ചിത്ര അറസ്റ്റിലായ വിവരം അറിഞ്ഞ് ഒളിവില്‍ പോയ ഡിജോ ഡാർവിനെ പാലക്കാട്ടു നിന്നുമാണ് പൊലീസ് അറസ്റ്റ് ചെയ്തത്.

 WE ONE KERALA -NM