.jpg)
ബാങ്കില് ഒരു ചെക്ക് ക്ലിയര് ആകാന് എത്ര സമയമെടുക്കും. അതിനുള്ള നിയമങ്ങളെക്കുറിച്ച് അറിയാമോ? റിസര്വ് ബാങ്ക് ഓഫ് ഇന്ത്യയുടെ പുതിയ നിയമങ്ങള് അനുസരിച്ച് ബാങ്കുകളില് ചെക്ക് ക്ലിയറിംഗ് പ്രക്രീയ വളരെ വേഗത്തിലാക്കിയിരിക്കുകയാണ്. ചെക്കുകള് ക്ലിയര് ചെയ്യാന് ഉപഭോക്താക്കള്ക്ക് ഇനി നീണ്ട ക്യൂവില് നില്ക്കേണ്ടതില്ല. എച്ച്ഡിഎഫ്സി, ഐസിസി ബാങ്ക് ഉള്പ്പടെ എല്ലാ പ്രധാന ബാങ്കുകളും ഈ പുതിയ സംവിധാനം പൂര്ണമായും സ്വീകരിച്ചു കഴിഞ്ഞു. ആര്ബിഐയുടെ പുതിയ നിയമങ്ങള് പ്രകാരം, ചെക്ക് ക്ലിയറിങ് പ്രക്രിയ ഇപ്പോള് ഒരു ദിവസത്തിനുള്ളില് പൂര്ത്തിയാകുന്നു. അതായത് നിങ്ങളുടെ ചെക്ക് ഒരു ദിവസത്തിനുള്ളില് ക്ലിയര് ചെയ്യപ്പെടും. ഈ പ്രക്രിയയെ രണ്ട് പ്രധാന ഘട്ടങ്ങളായാണ് തരം തിരിച്ചിരിക്കുന്നത്.
ബാങ്കുകള് രാവിലെ 10 മണിക്കും വൈകുന്നേരം 4 മണിക്കും ഇടയില് ഉപഭോക്താക്കള് നിക്ഷേപിച്ച എല്ലാ ചെക്കുകളും സ്കാന് ചെയ്ത് ക്ലിയറിങ് ഹൗസിലേക്ക് അയയ്ക്കുന്നു. ഈ പ്രക്രിയയ്ക്ക് ശേഷം ബാങ്ക് വൈകുന്നേരം 7 മണിക്കുള്ളില് അതിന്റെ സ്ഥിരീകരണം നല്കണം. കൂടാതെ, ഓരോ ചെക്കിനും ഒരു ഇനം തിരിച്ചുള്ള 'കാലാവധി സമയം' ഉണ്ട്. ഇത് കാലതാമസത്തിനുള്ള സാധ്യത ഇല്ലാതാക്കുന്നു.
പോസിറ്റീവ് പേ സിസ്റ്റം എങ്ങനെ പ്രവര്ത്തിക്കുന്നു
രണ്ടാമത്തെ പ്രക്രിയയെ സംബന്ധിച്ചിടത്തോളം ബാങ്ക് ചെക്കുകള് കൂടുതല് സുരക്ഷിതമാക്കുന്നതിനും പരിശോധിക്കുന്നതിനും, പോസിറ്റീവ് പേ സിസ്റ്റത്തിന്റെ ഉപയോഗം നിര്ബന്ധമാക്കിയിരിക്കുന്നു. 50,000 രൂപയില് കൂടുതലുള്ള ചെക്കുകള്ക്ക് അക്കൗണ്ട് ഉടമകള് മുന്കൂട്ടി ബാങ്കില് ചെക്കിന്റെ ഒരു ഫോട്ടോ നല്കണം. ചെക്കുകള് ക്ലിയര് ചെയ്യുമ്പോള് ബാങ്കുകള് ഈ വിശദാംശങ്ങള് പൊരുത്തപ്പെടുത്തി നോക്കുന്നതാണ്. വിവരങ്ങള് ശരിയാണെങ്കില് പേയ്മെന്റ് സുഗമമായും തടസ്സമില്ലാതെയും പ്രോസസ്സ് ചെയ്യപ്പെടും.ബാങ്ക് എല്ലാ ഉപഭോക്താക്കള്ക്കും പ്രധാനപ്പെട്ട നിര്ദ്ദേശങ്ങള് നല്കിയിട്ടുണ്ട്. നിങ്ങള് ചെക്ക് നല്കുമ്പോള് നിങ്ങളുടെ ബാങ്ക് ബാലന്സ് എല്ലായ്പ്പോഴും ഉറപ്പാക്കുക. കൂടാതെ സാങ്കേതിക കാരണങ്ങളാല് നിരസിക്കപ്പെടുന്നത് ഒഴിവാക്കാന് ചെക്കില് എല്ലാ വിശദാംശങ്ങളും വ്യക്തമായും കൃത്യമായും പൂരിപ്പിക്കുക.
إرسال تعليق