മന്തർ മന്തറിലെ വിദ്യാർഥി സമരത്തെ പിന്തുണച്ച് നടൻ നസ്ലൻ

ദില്ലിയിലെ ജന്തർ മന്തറിലെ വിദ്യാർഥി പ്രതിഷേധത്തെ പിന്തുണച്ച് നടൻ നസ്ലൻ. പ്രതിഷേധവുമായി ബന്ധപ്പെട്ട പോസ്റ്റ് ഇൻസ്റ്റ​ഗ്രാം സ്റ്റോറിയിലൂടെ പങ്കുവെച്ചാണ് നസ്ലൻ ത​ന്റെ പിന്തുണ അറിയിച്ചത്. ‘അനീതി നിയമമായി മാറുമ്പോൾ വിപ്ലവം കടമയായി മാറുന്നു’ എന്നു കുറിച്ച പോസ്റ്റാണ് നസ്ലൻ ത​ന്റെ സ്റ്റോറിയിൽ പങ്കുവെച്ചത്. വിദ്യാർഥികളെ ദില്ലി പൊലീസ് തല്ലിച്ചതയ്ക്കുന്ന വീഡിയോയും നസ്ലൻ പങ്കുവെച്ചു. വിദ്യാർഥികളെ പിന്തുണച്ചു കൊണ്ട് നിരവധി പേരാണ് രം​ഗത്തെത്തിയത്. ടൊവിനോ തോമസ്, പാർവതി തിരുവോത്ത്, വിസ്മയ മോഹൻലാൽ, ശരത്ത് അപ്പാനി തുടങ്ങിയ താരങ്ങളും സമരത്തിനുള്ള ത​ന്റെ പിന്തുണ അറിയിച്ചു. എന്നാൽ, പ്രതിഷേധത്തിന് പിന്തുണ അറിയിച്ചവർക്കെതിരെ വലിയ രീതിയിലുള്ള സൈബർ ആക്രമണമാണ് നടക്കുന്നത്. ഫേസ്ബുക്കിലാണ് താരങ്ങൾക്കെതിരെ വിദ്വേഷ കമ​ന്റുകൾ പ്രത്യക്ഷപ്പെട്ടത്. അതേസമയം, ജന്തർ മന്തറിൽ പ്രതിഷേധം തുടരുകയാണ്. വിദ്യാർഥികളുടെ അവകാശങ്ങൾക്കായി പോരാടുന്നവരെ പരി​ഗണിക്കുന്നതിന് പകരം പ്രതിഷേധക്കാരെ അടിച്ചമർത്താനാണ് ഭരണകൂടം ശ്രമിക്കുന്നത്.