സ്വർണ വിലയിൽ കുറവ്

കേരളത്തിൽ സ്വർണ വില കുതിച്ചുയരുകയായിരുന്നു. ഓരോ ദിവസവും വില മുകളിലേക്ക് തന്നെയായിരുന്നു സ്വർണ വിലയുടെ സഞ്ചാരം. ആ​ഗസ്റ്റ് മാസത്തിൻ്റെ തുടക്കം മുതൽ ഉയർന്ന് തുടങ്ങിയ സ്വർണ വിലയിൽ ഇടയ്ക്ക് നേരിയ കുറവുണ്ടായിരുന്നെങ്കിലും അതൊന്നു ആശ്വാസത്തിന് വകനൽകുന്നതായിരുന്നില്ല. ആ​ഗസ്റ്റ് മാസം തുടക്കത്തിൽ 105760 രൂപയുണ്ടായിരുന്ന സ്വർണ വില പത്ത് ദിവസം കൊണ്ട് ഒരു ലക്ഷത്തി പത്തായിരത്തിനും മുകളിലെത്തിയിരുന്നു. ഇന്നലെ ഒരു പവൻ സ്വർണത്തിന് 1,11,720 രൂപയായിരുന്നു വില. ഒരു ​ഗ്രാം സ്വർണത്തിന് 13,965 രൂപയുമായിരുന്നു. എന്നാൽ ഇന്ന് വിലയിൽ നേരിയ കുറവ് വന്നിട്ടുണ്ട്. ഇന്ന് ഒരു പവൻ സ്വർണത്തിൻ്റെ വില 1,11,440 രൂപയാണ്. ഒരു ​ഗ്രാം സ്വർണത്തിന് 13,930 രൂപയുമാണ്. വലിയ അസന്തുലിതാവസ്ഥയാണ് സ്വർണവിലയിൽ കഴിഞ്ഞ നാളുകളിലെല്ലാം ഉണ്ടായത്. അന്താരാഷ്ട്ര വിപണയിലെ മാറ്റങ്ങൾ ഇന്ത്യയിലെ സ്വർണവിലയേയും വലിയ തോതിൽ ബാധിച്ചിരുന്നു. പശ്ചിമേഷ്യൻ യുദ്ധമുണ്ടാക്കിയ ബുദ്ധിമുട്ടുകൾ മറ്റെല്ലാ വിപണയേയും പോലെ സ്വർണ വിപണിയേയും പിടിച്ചു കുലുക്കി. ഇപ്പോൾ ഉണ്ടായിരിക്കുന്ന ഈ നേരിയ കുറവ് ഇനി ഒരു കുതിച്ചു ചാട്ടത്തിനുള്ള മുന്നൊരുക്കമാണോയെന്നും വി​ദ​ഗ്ധർ സംശയിക്കുന്നുണ്ട്.