.jpg)
ശബരിമലയിലെത്തുന്ന എല്ലാ തീര്‍ഥാടകര്‍ക്കും ഇന്‍ഷുറന്‍സ് പരിരക്ഷ. നാല് ജില്ലകളില്‍ മാത്രം ഉണ്ടായിരുന്ന അപകട ഇന്‍ഷുറന്‍സ് ദേവസ്വം ബോര്‍ഡ് സംസ്ഥാന വ്യാപകമാക്കുന്നു. കേരളത്തിൽ എവിടെയുണ്ടാകുന്ന അപകടത്തിലും തീര്‍ഥാടകര്‍ മരിച്ചാല്‍ ആശ്രിതര്‍ക്ക് അഞ്ച് ലക്ഷം രൂപ സഹായധനം കിട്ടും. ഇതുവരെ ഇടുക്കി, പത്തനംതിട്ട, ആലപ്പുഴ, കോട്ടയം ജില്ലകളിലെ അപകടങ്ങള്‍ക്ക് മാത്രമായിരുന്നു ഇന്‍ഷുറന്‍സ് ആനുകൂല്യം. പ്രീമിയത്തിനുള്ള ചെലവ് ബോര്‍ഡ് വഹിക്കും. ദേവസ്വം ബോര്‍ഡിലെ എല്ലാ ജീവനക്കാരും ഇന്‍ഷുറന്‍സിന്റെ പരിധിയില്‍ വരും. മണ്ഡല-മകരവിളക്ക് തീര്‍ഥാടന കാലത്തും മാസ പൂജക്കും ഉത്സവം ഉള്‍പ്പെടെയുള്ള ചടങ്ങുകള്‍ക്കും എത്തുന്നതിന് ഇടെയുണ്ടാകുന്ന അപകടങ്ങള്‍ക്കാണ് ഇന്‍ഷുറന്‍സ് ആനുകൂല്യമെന്ന് പ്രസിഡന്റ് പി എസ് പ്രശാന്തും അംഗം എ അജികുമാറും പറഞ്ഞു. ഹൃദയാഘാതം ഉള്‍പ്പെടെയുള്ള അസുഖം മൂലം മരിക്കുന്ന ശബരിമല തീര്‍ഥാടകരുടെ ആശ്രിതർക്ക് ഇനി മുതല്‍ മൂന്ന് ലക്ഷം രൂപ ലഭിക്കും.
Post a Comment