ഇരിട്ടി കുന്നോത്ത് യുവതി ജീവനൊടുക്കിയ സംഭവം ; ഭര്‍ത്താവ് കസ്റ്റഡിയിൽ

 

ഇരിട്ടി: ഭർതൃ പീഡനത്തെ തുടർന്ന് യുവതി ജീവനൊടുക്കി.ഭർത്താവ് പോലീസ് കസ്റ്റഡിയിൽ,ഇരിട്ടി കുന്നോത്ത് കേളൻപീടികയിലെ സ്നേഹാലയത്തിൽ സ്നേഹ (25) ആണ് മരിച്ചത്. കഴിഞ്ഞ ദിവസം വൈകുന്നേരം വീടിനകത്ത് അടുക്കളയിലെ ഇരുമ്പ് കഴുക്കോലിൽ തൂങ്ങിമരിച്ച നിലയിൽ കാണപ്പെടുകയായിരുന്നു. സംഭവത്തിൽ ഭർത്താവ് കോളിത്തട്ടിലെ ജിനീഷിനെ ഇരിട്ടി ഡി.വൈ.എസ്.പി പി.കെ ധനഞ്ജയ് ബാബുവിന്റെ നിർദേശപ്രകാരം ഇൻസ്പെക്ടർ എ. കുട്ടികൃഷ്ണണൻ കസ്റ്റഡിയിലെടുത്തു. സ്നേഹയുടെ ആത്മഹത്യാക്കുറിപ്പ് പോലീസ് കണ്ടെടുത്തു. നാല് വർഷം മുമ്പാണ് ഇവരുടെ വിവാഹം കഴിഞ്ഞത്. കുട്ടിക്ക് തന്റെ നിറമല്ലെന്നു പറഞ്ഞ് ഭർത്താവ് മാനസികമായി പീഡിപ്പിച്ചതായും സ്ത്രീധന പീഡനത്തെക്കുറിച്ചും കുറിപ്പിലുണ്ട്. ഭർതൃവീട്ടുകാരും ഉപദ്രവിച്ചിരുന്നതായി കാണിച്ച് സ്നേഹയുടെ ബന്ധുക്കളും രംഗത്തെത്തിയിട്ടുണ്ട്

WE ONE KERALA -NM 

.

.