.jpg)
കോഴിക്കോട് ഭൂചലനം അനുഭവപ്പെട്ടതായി നാട്ടുകാര്‍. കുറ്റ്യാടിക്ക് സമീപം കായക്കൊടി എള്ളിക്കാംപാറയില്‍ ആണ് സംഭവം. കായക്കൊടി ഗ്രാമപഞ്ചായത്തിലെ നാല്, അഞ്ച് വാര്‍ഡുകളില്‍ ഭൂചലനം ഉണ്ടായതായാണ് നാട്ടുകാരുടെ പരാതി. പരിശോധനയ്ക്ക് പ്രത്യേക സംഘത്തെ അയക്കുമെന്ന് ജില്ലാ കളക്ടര്‍ അറിയിച്ചു.
ശനിയാഴ്ച രാത്രി 7.30-ഓടെയാണ് ചലനം ഉണ്ടായത്. പ്രത്യേക ശബ്ദം കേട്ടെന്ന് നാട്ടുകാർ പറഞ്ഞു. ആളുകള്‍ വീടുവിട്ട് പുറത്തേക്കിറങ്ങി. സെക്കന്‍ഡുകള്‍ മാത്രമാണ് ചലനം തുടര്‍ന്നത്. വില്ലേജ് ഓഫീസര്‍ സ്ഥലത്ത് എത്തിയിരുന്നു.
ആശങ്കപ്പെടേണ്ട സാഹചര്യമില്ലെന്ന് സ്ഥലം എം എല്‍ എ. ഇ കെ വിജയന്‍ പറഞ്ഞു. ജില്ലാ കളക്ടറുമായി ബന്ധപ്പെട്ടിട്ടുണ്ട്. ഞായറാഴ്ച വിദഗ്ധസംഘം സ്ഥലത്ത് പരിശോധനയ്ക്ക് എത്തും. വെള്ളിയാഴ്ചയും സമാന ചലനം അനുഭവപ്പെട്ടതായി നാട്ടുകാര്‍ അറിയിച്ചിരുന്നുവെന്നും ഇ കെ വിജയന്‍ എം എല്‍ എ പറഞ്ഞു.
Post a Comment