സ്റ്റേറ്റ് ബാങ്ക് ഓഫ് ഇന്ത്യയുടെ സഹകരണത്തോടെ കൊല്ലം പ്രസ് ക്ലബ്ബ് സ്കൂൾ കിറ്റ് വിതരണം ചെയ്തു. ധനമന്ത്രി കെ എൻ ബാലഗോപാൽ വിതരണോദ്ഘാടനം നിർവഹിച്ചു. എൽ കെ ജി മുതൽ പ്ലസ് 2 വരെയുള്ള നൂറോളം വിദ്യാർഥികൾക്കാണ് പഠനോപകരണങ്ങൾ വിതരണം ചെയ്തത്. എസ് ബി ഐ ഡെപ്യൂട്ടി ജനറൽ മാനേജർ ആനന്ദ് മൊക്തൻ മുഖ്യാതിഥിയായി. കൊല്ലം റീജിയണൽ മാനേജർ ശ്രീജിത്ത് ജി എൽ, അസി. ജനറൽ മാനേജർ ജയശ്രീ, പ്രസ്ക്ലബ് പ്രസിഡന്റ് ഡി ജയ കൃഷ്ണൻ, സെക്രട്ടറി സനൽ ഡി പ്രേം, ട്രഷറർ കണ്ണൻ നായർ തുടങ്ങിയവർ സംസാരിച്ചു.