ചങ്ങാതിക്കൊരു തൈ പരിപാടി സംഘടിപ്പിച്ചു

ഇരിക്കൂർ: ചേടിച്ചേരി എ എൽ പി സ്കൂൾ ലോക സൗഹൃദദിനത്തോടനുബന്ധിച്ച് ചങ്ങാതിക്കൊരു തൈ പരിപാടി സംഘടിപ്പിച്ചു. ഇരിക്കൂർ ഗ്രാമപഞ്ചായത് മെമ്പർ ശ്രീ എം വി മിഥുൻ ഉദ്ഘാടനം ചെയ്തു. പി ടി എ പ്രസിഡണ്ട് ഇ വി ഉമേഷ് അധ്യക്ഷം വഹിച്ചു. കുട്ടികൾ സൗഹൃദ വൃക്ഷ തൈകൾ പരസ്പരം കൈമാറി. സ്കൂളിനുള്ള സൗഹൃദ വൃക്ഷം സ്കൂൾ ലീഡർ, പ്രധാന അദ്ധ്യാപിക എന്നിവർക്ക് വാർഡ് മെമ്പർ കൈമാറി. പ്രധാന അദ്ധ്യാപിക ശ്രീമതി ജസ്ന രവീന്ദ്രൻ, കെ ഷൈജ, എൻ കെ പ്രണവ്, ഇ കെ ജിഷ്ണു എന്നിവർ ആശംസയർപ്പിച്ച് സംസാരിച്ചു.