മാധ്യമപ്രവർത്തകരുടെ ഐഡൻ്റിറ്റി ജനാധിപത്യത്തെ സംരക്ഷിക്കാനും രാജ്യത്തിൻ്റെ അഴിമതിക്കെതിരെയുള്ള ആയുധമാകണമെന്ന് ഷൊർണ്ണൂർ ഡപ്യൂട്ടി സുപ്രണ്ട് ഓഫ് പോലീസ് ആർ മനോജ് കുമാർ

 

കൂറ്റനാട്  : വാർത്തകൾ എഴുതുമ്പോൾ ഈ രാജ്യത്തെ കുറ്റവാളികൾക്കും അഴിമതിക്കാർക്കും വളക്കൂറാവരുതെന്നും,  അത്തരം വാർത്തകൾ കുറ്റം ചെയ്യുന്നവർക്ക് അനുകൂലമായി മാറാൻ പാടില്ല എന്ന കാഴ്ചപ്പാടോടെ വേണം വാർത്തകൾ ചെയ്യാനെന്നും ആർ. മനോജ് കുമാർ പറഞ്ഞു. ഈ  സമൂഹത്തിന്റെ ജനാധിപത്യ പ്രക്രിയയിൽ പോലീസിന്റെ പ്രവർത്തനവും പത്രപ്രവർത്തനവും രാഷ്ട്രീയപ്രവർത്തനവുമെല്ലാം പരസ്പരം പൂരകങ്ങളായിരിക്കണമെന്നും അതിനുള്ള എല്ലാ സഹകരണവും പോലീസിന്റെ ഭാഗത്തുനിന്ന് നിങ്ങൾക്കുണ്ടാവുമെന്നും പത്രപ്രവർത്തകരുടെ കൈവശമുള്ള ഐഡന്റിറ്റി ജനാധിപത്യത്തെ സംരക്ഷിക്കുവാനും, ഈ രാജ്യത്തെ പാവപ്പെട്ടവന്റെ കണ്ണീരൊപ്പാൻ വേണ്ടിയും ആയിരിക്കണമെന്നും, അതോടൊപ്പം തന്നെ ഈ രാജ്യത്തിൻറെ അഴിമതിക്കെതിരെ പോരാടാനുള്ള ആയുധമായി നിങ്ങൾ മാറണമെന്നും അദ്ദേഹം ഓർമിപ്പിച്ചു. മാധ്യമരംഗത്തുള്ള കുതിച്ച്  ചാട്ടത്തിൻെറ ഭാഗമായി പല മാധ്യമങ്ങളും പുറത്തള്ളപ്പെടുന്നുണ്ട് . ആ മേഖലയിൽ തൊഴിൽ അവസരങ്ങൾ നഷ്ടപ്പെടുന്നതും ആശങ്കയാണ് അദ്ദേഹം കൂട്ടി ചേർത്തു മാധ്യമ മേഖലയിൽ ജോലി ചെയ്യുന്നവരുടെ ക്ഷേമം ലക്ഷ്യമാക്കി പ്രവർത്തിക്കുന്ന സ്വതന്ത്ര ട്രേഡ് യൂണിയൻ കേരള മീഡിയ പേഴ്സൺസ് യൂണിയൻ ( K M P U ) തൃത്താല മേഖല അംഗങ്ങൾക്കുള്ള ഐഡിൻ്റിറ്റി കാർഡ് വിതരണവും , അനുമോദന സദസും 

ശനിയാഴ്ച രാവിലെ കൂറ്റനാട് പ്രസ് ക്ലബ്ബ് ഹാളിൽ   ഉദ്ഘാടനം ചെയ്യുകയായിരുന്നു ഡിവൈഎസ്പി .ഐഡൻ്ററ്റി കാർഡുകൾ വിതരണവും , വി.ആർ നിരഞ്ജൻ , മുർഷിദപറവിൻ  എന്നിവരെ ഡിവൈഎസ് പി ഉപഹാരവും നൽകി അനുമോദിച്ചു. സംസ്ഥാന വൈസ് പ്രസിഡൻ്റ് എ.സി. ഗീവർ ചാലിശേരി അധ്യഷനായി. സി പി ഐ എം തൃത്താല ഏരിയ സെക്രട്ടറി ടി.പി.മുഹമ്മദ്മാസ്റ്റർ , ഡി സി സി ജനറൽ സെക്രട്ടറി കെ. ബാബു നാസർ ,ബി ജെ പി കപ്പൂർ മണ്ഡലം പ്രസിഡൻ്റ് ദിനേശൻ എറവക്കാട്, പാലക്കാട് ജില്ലാ പ്രസിഡൻ്റ് കെ.ജി സണ്ണി , മലപ്പുറം ജില്ലാ സെക്രട്ടറി പ്രേമദാസ് പിടാവന്നൂർ , പ്രവാസി കോൺഗ്രസ് നേതാവ് ഹൈദർ ബാവ , ജില്ല ട്രഷറർ ഇസ്മായിൽ പെരുമണ്ണൂർ എന്നിവർ സംസാരിച്ചു. നിരവധി മാധ്യമ പ്രവർത്തകർ പങ്കെടുത്തു. സി.മൂസ പെരിങ്ങോട്  സ്വാഗതവും , ജില്ലാ വൈസ് പ്രസിഡൻ്റ് പ്രദീപ് ചെറുവാശേരി നന്ദിയും പറഞ്ഞു