പട്ടാപ്പകൽ വീട്ടിനുള്ളിൽ കുറുനരി കയറി.

 

ചെറുപുഴ: പ്രാപ്പൊയിൽ ടൗണിനു സമീപത്തെ വീട്ടിൽ പട്ടാപ്പകൽ കുറുനരി കയറി. ഇന്നലെ രാവിലെ പതിനൊന്നരയോടെ സുനിലിൻ്റെ വീട്ടിനകത്താണ് കുറുനരി കയറിയത് അകത്ത് നിന്ന് ശബ്ദം കേട്ട് സുനിലിൻ്റെ ഭാര്യ നോക്കിയപ്പോൾ എന്തോ നിഴൽ പോലെ കണ്ടു. തുടർന്ന് മകളെ വിളിച്ച് വീട്ടിലെ സി.സി.ടി.വി ദൃശ്യങ്ങൾ പരിശോധിച്ചാണ് തുറന്നിട്ട മുൻവശത്തെ വാതിലിലൂടെ കുറുനരി കയറിയതാണെന്ന് മനസിലായത്. കുറച്ചു സമയം വീട്ടിനകത്ത് കറങ്ങിയ കുറുനരി പിന്നീട് ഇറങ്ങി പോവുകയായിരുന്നു.