ഇനി ഇരിട്ടി നഗരസഭ സാനിറ്ററി മാലിന്യ മുക്തം

 

ഇനി ഇരിട്ടി നഗരസഭ സാനിറ്ററി മാലിന്യ മുക്തം. സാനിറ്ററി മാലിന്യം ശേഖരിക്കാൻ സർക്കാർ ചുമതലപ്പെടുത്തിയ ആക്രി എന്ന ഏജൻസിയുമായി ചേർന്ന് നഗരസഭ എല്ലാ വീടുകളിൽ നിന്നും സ്ഥാപനങ്ങളിൽ നിന്നും സാനിറ്ററി നാപ്കിൻ, ഡയപ്പർ, ഗ്ലൗസ്,യൂറിൻ ബാഗുകൾ,ഡ്രസ്സിംഗ് കാലഹരണപ്പെട്ട മരുന്നുകൾ എന്നീ ബയോമെഡിക്കൽ മാലിന്യം ശേഖരിക്കുന്ന പദ്ധതിക്ക് തുടക്കമാകുന്നു. സാനിറ്ററി നാപ്ക്കിൻ ശേഖരിക്കുന്ന വാഹനത്തിൻ്റെ ഫ്ലാഗ്ഓഫ് നഗരസഭ ചെയർപേഴ്സൺ കെ.ശ്രീലത നിർവ്വഹിച്ചു. വൈസ് ചെയർമാൻ പി.പി.ഉസ്മാൻ അദ്ധ്യക്ഷത വഹിച്ചു.ആരോഗ്യകാര്യ സ്റ്റാൻ്റിംങ്ങ് ചെയർമാൻ കെ.സോയ, വികസനകാര്യ സ്റ്റാൻ്റിംങ്ങ് കമ്മിറ്റി ചെയർമാൻ പി.കെ.ബൾക്കിസ്, പൊതുമരാമത്ത് സ്റ്റാൻ്റിംങ്ങ് കമ്മിറ്റി ചെയർമാൻ കെ.സുരേഷ് കൗൺസിലർമാരായ കെ.പി.അജേഷ്, എ.കെ.ഷൈജു ,സെക്രട്ടറി ഇൻ ചാർജ് നിഷ പി.വി, ക്ലിൻ സിറ്റി മാനേജർ രാജീവൻ കെ.വി. മുൻസിപ്പൽ എഞ്ചിനിയർ രമേഷ്കുമാർ എന്നിവർ സംസാരിച്ചു. ആക്രിയുടെ  

ആപ്പിലൂടെ Google Play Store, App store ഉപയോഗിച്ച് മുൻകൂട്ടിബുക്ക് ചെയ്യാവുന്നതാണ്. കൂടാതെ ടോൾ ഫ്രീ നമ്പറിൽ 08031405048, ( വാട്സ്ആപ്പ് നമ്പർ 7591911110)ബന്ധപ്പെട്ടാൽ ടി ഏജൻസി വീടുകളിൽ എത്തി മാലിന്യം ശേഖരിക്കും. തുടർന്ന് ശാസ്ത്രീയമായി സംസ്കരിക്കുന്നതിന് നിലവിൽ ശുചിത്വമിഷന്റെ അംഗീകാരമുള്ള ആക്രി ഏജൻസി മുഖാന്തരം കെ ഐ എ എൽ നു കൈമാറുന്നതാണ് പദ്ധതി. കിലോയ്ക്ക് 45 രൂപയും 5% ജിഎസ്ടിയും(2.25 രൂപ) ഫീസ് ആയി നൽകണം. 8 രൂപ വില വരുന്ന നോൺ ക്ലോറിനേറ്റഡ് ബാഗ് ഏജൻസി സപ്ലൈ ചെയ്യും. ഈ ബാഗിലാണ് സാനിറ്ററി മാലിന്യങ്ങൾ ഏജൻസിക്ക് കൈമാറേണ്ടത്. ആഴ്ചയിലൊരിക്കൽ ബുക്ക് ചെയ്യുന്ന മുറയ്ക്ക് ഏജൻസി വീടുകളിൽ എത്തി ബയോ മെഡിക്കൽ മാലിന്യം ശേഖരിക്കുന്നതാണ്.