കൊട്ടിയൂർ സ്പെഷ്യൽ പ്രൊജക്റ്റ്‌ മൈക്രോ പ്ലാൻ പ്രവർത്തനം ആരംഭിച്ചു

കണ്ണൂർ: കുടുംബശ്രീ കണ്ണൂർ ജില്ലാ മിഷന്റെ നേതൃത്വത്തിൽ കൊട്ടിയൂർ ഗ്രാമ പഞ്ചായത്തിലെ പണിയ മേഖലയിലെ കുടുംബങ്ങളെ കേന്ദ്രീകരിച്ചു കൊണ്ട് മൈക്രോ പ്ലാൻ തയ്യാറാക്കുന്നതിനുള്ള വിവരശേഖരണം ആരംഭിച്ചു.

 ഓരോ കുടുംഭങ്ങളിലെയും അവസ്ഥ വിശകലനം ചെയ്യുകയും  കുടുംഭത്തിന് അനുയോജ്യമായ പ്ലാൻ തയ്യാറാകുകയുമാണ് ആദ്യ ഘട്ടത്തിൽ ചെയ്യുന്നത്. 

 തുടർന്ന് അത് ഉന്നതി തലത്തിൽ വിശകലനം ചെയ്ത് പണിയ മേഖലയ്ക്കായി പഞ്ചായത്ത്‌ തലത്തിൽ പ്ലാൻ തയ്യാറാക്കും . ഇതിലൂടെ വിവിധ വകുപ്പുകളെ സംയോജിച്ച് കൊണ്ട് പണിയ മേഖലയിലുള്ളവർക്ക്  സേവനം ലഭ്യമാക്കുകയുമാണ് ഉദ്ദേശിക്കുന്നത്. 

കൊട്ടിയൂർ ഗ്രാമപഞ്ചായത്തിലെ 194 വീടുകളിലായി 269 കുടുംബങ്ങളാണുള്ളത്.  

പുതിയ സംരംഭങ്ങൾ  ഉയർത്തിക്കൊണ്ടു വരുന്നതിനും . 

കാർഷിക മേഖലയിലെ പ്രവർത്തനങ്ങൾ  ഊർജ്ജപ്പെടുത്തുന്നതിനും  കുട്ടികളുടെ വിദ്യാഭ്യാസ നിലവാരം ഉയർത്തിക്കൊണ്ടുവരുന്നതിനുള്ള  പ്രവർത്തനങ്ങളാണ്  ആദ്യഘട്ടത്തിൽ ചെയ്യുന്നത്.

മൈക്രോ പ്ലാൻ പ്രവർത്തങ്ങളുടെ ഭാഗമായ് ആനിമേറ്റർമാർക്കുള്ള  പരിശീലനം കൊട്ടിയുരിൽ വെച്ച് നടന്നു.  സംസ്ഥാന പ്രോഗ്രാം മാനേജർ പ്രഭാകരൻ  പരിശീലനം നയിച്ചു. സി ഡി എസ് ചെയർ പേഴ്സൻ  ബീന പുതുശ്ശേരി, വൈസ്ചെയർപേഴ്സൻ  പുഷ്പ കുമാരി,അസി. ജില്ലാ മിഷൻ കോർഡിനേറ്റർ കെ വിജിത്ത്, ജില്ലാ പ്രോഗ്രാം മാനേജർ  പി വിനേഷ് , അനിമേറ്റർ കോർഡിനേറ്റർ  ജോബി രാഘവൻ, വിവിധ ജില്ലയിലെ മെന്റർമാർ, അനിമേറ്റർമാർ തുടങ്ങിയവർ പരിപാടിയിൽ  പങ്കെടുത്തു.