വയനാട് പുൽപ്പള്ളിയിൽ ഉത്സവത്തിനിടെ ആന ഇടഞ്ഞു.

 

വയനാട്ടിൽ ഉത്സവത്തിനിടെ ആന ഇടഞ്ഞു. പുൽപ്പള്ളി സീതാദേവി ക്ഷേത്ര പട്ടണ പ്രദക്ഷിണത്തിന് ശേഷം ക്ഷേത്രവളപ്പിൽ വെച്ചാണ് ആന ഇടഞ്ഞത്. ഇന്നലെ രാത്രി 10 മണിയോടെയാണ് സംഭവം. രണ്ട് പാപ്പാൻ മാർക്ക് പരുക്കേറ്റിട്ടുണ്ട്. ഉണ്ണി, രാഹുൽ എന്നിവർക്കാണ് പരുക്കേറ്റത്. ഇവരെ മാനന്തവാടി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കൊല്ലത്ത് നിന്ന് കൊണ്ടുവന്ന ശിവൻ എന്ന ആനയാണ് ഇടഞ്ഞത്. പിന്നീട് ആനയെ തളച്ചു.