പെട്രോൾ ഇല്ലെങ്കിലും നോ ടെൻഷൻ; നിരത്ത് കീഴടക്കാൻ രാജ്യത്തെ ആദ്യത്തെ പ്ല​ഗ് ഇൻ ഹൈബ്രിഡ് കാർ

പെട്രോൾ ഡീസൽ വില വ‍‍‍ർദ്ധനവ് രാജ്യത്തെ ജനങ്ങൾക്ക് തിരിച്ചടിയായി മാറിയിരിക്കുകയാണ്. ഇതിനൊപ്പം തന്നെ കാറുകൾക്ക് വില കൂടിയതും ഇന്ത്യക്കാരെ പ്രതിസന്ധിയിലാക്കിയിട്ടുണ്ട്. ഈ സാഹചര്യത്തിലാണ് ഇന്ത്യക്കാർക്കായി പുതിയ പ്ല​ഗ് ഇൻ ഇലക്ട്രിക് കാർ അവതരിപ്പിച്ചുക്കൊണ്ട് ചൈനീസ് കമ്പനി രം​ഗത്ത് വന്നിരിക്കുന്നത്. ചൈനീസ് വാഹന കമ്പനിയായ ബിവൈഡി ഈ സൂപ്പർ കാറുകൾ ഇന്ത്യൻ നിരത്തുകൾക്കായി അവതരിപ്പിക്കുന്നത്. ഈ വാർത്ത വാഹനപ്രേമികളെയാകെ ആവേശത്തിലാക്കിയിരിക്കുകയാണ്. സോഷ്യൽ മീഡിയയിലാകെ ചർച്ചയായിരുന്നു ഈ കാറിന്റെ വരവ്. ഇന്ത്യൻ വിപണിയിലെ ആദ്യ പ്ലഡ് ഇൻ ഹൈബ്രിഡ് മോഡലാണ് ബിവൈഡി അവതരിപ്പിക്കുന്നത്. കാർ വിപണിയിൽ ഉടനെത്തുമെന്ന പ്രഖ്യാപനം വാഹനപ്രേമികളെ ആവേശത്തിലാക്കിയിട്ടുണ്ട്. ജൂൺ 9ന് ആയിരിക്കും ഇന്ത്യൻ വിപണിയിലേക്ക് ഈ സൂപ്പർ താരമെത്തുന്നത്. എന്നാൽ ഏത് മോഡലായിരിക്കും എന്ന കാര്യത്തിൽ കമ്പനി ഇതുവരെ വ്യക്തത വരുത്തിയിട്ടില്ല. ആഭ്യന്തര വിപണിയ്ക്ക് യോജിച്ച മോഡലാവുമെന്നത് ഉറപ്പാണ്. ഈ കാറിൽ പരാമ്പരാ​ഗത എൻജിനും പുതിയ ഇലക്ട്രിക് കാറുകളുടെ സജ്ജീകരണങ്ങളും ഒരുപോലെ പ്രവർത്തിക്കും‌. ഇവിയുടെ കാര്യ​ക്ഷമതയും പ്രവർത്തന ചെലവ് കുറവുമായത് കൊണ്ട് തന്നെ റേഞ്ചിന്റെ കാര്യത്തിൽ ആശങ്ക വേണ്ട. 7.8kwh അല്ലെങ്കിൽ 18kwh ബാറ്ററിയും ജോഡിയാക്കി 1.5 ലിറ്റർ നാച്ചുറലി ആക്സിലറേറ്റഡ് പെട്രോൾ എഞ്ചിനാണ് ബിവൈഡി കാറുകൾക്ക് ലഭിക്കുക.