ഇരിട്ടി താലൂക്ക് ഓഫീസിലേക്ക് മാർച്ചും ധർണയും സംഘടിപ്പിച്ചു:

 

ഇരിട്ടി താലൂക്ക് ഓഫീസിലേക്ക് മാർച്ചും ധർണയും സംഘടിപ്പിച്ചു: കാവിവൽക്കരിക്കാൻ ഉള്ള നീക്കം ഉപേക്ഷിക്കുക സിപി സന്തോഷ് കുമാർ: ഇടതുപക്ഷ ജനാധിപത്യ മുന്നണി നടപ്പാക്കാൻ വിസമ്മതിച്ച പിഎം ശ്രീ പദ്ധതി യുഡിഎഫ് സർക്കാർ നടപ്പിലാക്കുന്നത് ബിജെപിയുമായുള്ള ഒത്തു കളിയാണെന്നും കേരളത്തിൽ പി എം ശ്രീ പദ്ധതി നടപ്പാക്കാൻ അനുവദിക്കില്ലെന്നും സിപിഐ ജില്ലാ സെക്രട്ടറി സിപി സന്തോഷ് കുമാർ പറഞ്ഞു പി എം ശ്രീപദ്ധതി നടപ്പാക്കുന്നതിനെതിരെ സിപിഐ സംസ്ഥാന വ്യാപകമായി നടത്തിവരുന്ന പ്രതിഷേധ സമരത്തിന്റെ ഭാഗമായി ഇരിട്ടി താലൂക്ക് ഓഫീസിലേക്ക് നടന്ന മാർച്ചും ധർണയും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം കേരളത്തിന്റെ വിദ്യാഭ്യാസമേഖലയെ കാവി വൽക്കരിക്കാൻ ഉള്ള നീക്കമാണ് ബിജെപിയുമായി ചേർന്നുകൊണ്ട് യുഡിഎഫ് സർക്കാർ നടത്തുന്നതെന്നും വിദ്യാഭ്യാസരംഗത്ത് കേരളം നേടിയെടുത്ത നേട്ടങ്ങൾ തച്ചുതകർക്കാനുള്ള യുഡിഎഫ് സർക്കാരിന്റെ നീക്കത്തെ ചെറുത്തു തോൽപ്പിക്കും എന്നും അദ്ദേഹം പറഞ്ഞു . സിപിഐ ജില്ലാ കൗൺസിൽ അംഗം പായം ബാബുരാജ് അധ്യക്ഷനായി. മണ്ഡലം സെക്രട്ടറി കെ ആർ ലിജുമോൻ സ്വാഗതം പറഞ്ഞു. നേതാക്കളായ ശങ്കർ സ്റ്റാലിൻ , കെ ബി ഉത്തമൻ , പ്രണോയ് വിജയൻ , ഡോക്ടർ ജി ശിവരാമകൃഷ്ണൻ എന്നിവർ അഭിവാദ്യം ചെയ്തു സംസാരിച്ചു. ഇരിട്ടി പഴയ സ്റ്റാൻഡിൽ നിന്ന് ആരംഭിച്ച മാർച്ചിന് കെ പി കുഞ്ഞികൃഷ്ണൻ സി. ദിനേശൻ , സന്തോഷ് പാലക്കൽ, പി കെ .കരുണാകരൻ, ആർ സുജി, പി മോഹനൻ , എം ദിനേശൻ , ദേവിക കൃഷ്ണൻ , ആദർശ് , കെ പി ബാബു, എന്നിവർ നേതൃത്വം നൽകി