എംഡിയെ മാറ്റിയതില്‍ കുഴപ്പമില്ലെന്ന് സീനിയര്‍ നേതാക്കള്‍ തന്നെ പറഞ്ഞില്ലേ; ആര്‍ക്കാണ് കുഴപ്പം; വിഴിഞ്ഞത്ത് സിപിഐഎമ്മിലെ ഭിന്നത ആയുധമാക്കി വി ഡി സതീശന്‍

 

വിഴിഞ്ഞം ഓഹരി കൈമാറ്റ വിഷയത്തില്‍ സംസ്ഥാന താല്‍പര്യം ഹനിക്കില്ലെന്ന് ആവര്‍ത്തിച്ച് മുഖ്യമന്ത്രി വി ഡി സതീശന്‍. വിഷയത്തില്‍ സിപിഐഎമ്മിലെ ഭിന്നത ആയുധമാക്കിയായിരുന്നു പ്രതിപക്ഷ ആരോപണങ്ങള്‍ക്കുള്ള മറുപടി.വിഴിഞ്ഞത്ത് സംസ്ഥാന താല്‍പര്യത്തിന് വിഘാതമായ ഒന്നും നടക്കില്ലെന്ന് അദ്ദേഹം പറഞ്ഞു. മുന്‍ സര്‍ക്കാരിന്റെ കാലത്ത് കരാര്‍ കാലാവധി 5 വര്‍ഷം നീട്ടി കൊടുത്തു. പദ്ധതി വൈകിയതിന് ആദാനി നല്‍കേണ്ട 219 കോടി ഇളവ് ചെയ്തു. എന്ത് ഡീല്‍ ആണിത് ? ഡീല്‍ നടത്തിയ പരിചയം കൊണ്ടാണോ മറ്റുള്ളവരെ അധിക്ഷേപിക്കുന്നത് – അദ്ദേഹം പറഞ്ഞു.

വിഴിഞ്ഞം എംഡിയെ മാറ്റിയതില്‍ സിപിഐഎമ്മിന് അവരുടെ പാര്‍ട്ടിയില്‍ നിന്ന് തന്നെ നല്ല മറുപടി കിട്ടുന്നുണ്ടെന്ന് അദ്ദേഹം പറഞ്ഞു.വിഴിഞ്ഞത്തെ എംഡിയെ മാറ്റിയതില്‍ കുഴപ്പമില്ലെന്ന് സീനിയര്‍ നേതാക്കള്‍ തന്നെ മറുപടി പറഞ്ഞില്ലേ. വിഴിഞ്ഞത്ത് അനാവശ്യമായ ആരോപണം ഉന്നയിക്കരുതെന്നും പറഞ്ഞില്ലേ. പഴയ നിയമ മന്ത്രി ഓഹരി കൈമാറ്റത്തില്‍ കുഴപ്പമില്ലെന്നും പറഞ്ഞു. പിന്നെ എന്താണ് കുഴപ്പം – അദ്ദേഹം പറഞ്ഞു.