പുളി ഇഞ്ചി

ഇന്ന് അത്തം. ഇനി പത്താം ദിനം തിരുവോണം ആണ്‌. ഓണസദ്യയിലെ ഒരു വിഭവം ആയ പുളി ഇഞ്ചി എളുപ്പത്തിൽ എങ്ങനെ തയ്യാർ ആക്കാം എന്ന് നോക്കാം. പുളി, ഇഞ്ചി, പച്ചമുളക്, ശർക്കര എന്നിവയാണ് പ്രധാന ചേരുവകൾ.ഇതിനു പുളിയും എരിവും മധുരവും കലർന്ന രുചിയാണ്‌. സദ്യയിൽ ഇഞ്ചിപ്പുളി ഒരു തൊട്ടുകൂട്ടാനാണ്. ഇതു ഇലയിൽ ഇടതു ഭാഗത്ത് വിളമ്പും.

ചേരുവകൾ

ഇഞ്ചി, -200 ഗ്രാം, പുളി -100 ഗ്രാം, ശർക്കര -3 പീസ്‌, ചുവന്നുള്ളി -10 എണ്ണം, പച്ചമുളക് -3 എണ്ണം, കടുക് -ആവശ്യത്തിന്, വെളിച്ചെണ്ണ 2 ടേബിൾ സ്പൂൺ, മഞ്ഞൾ പൊടി -1/4 ടീസ്പൂൺ, കായം - കുറച്ച്‌, ഉലുവ പൊടി - കുറച്ച്‌, ഉപ്പ്‌ -ആവശ്യത്തിന്

തയ്യാർ ആക്കുന്ന വിധം

ഒരു പാത്രം അടുപ്പിൽ വെച്ച് കടുക് പൊട്ടിക്കുക. അതിലേക്ക് പൊടി ആയി അരിഞ്ഞ ഇഞ്ചി മൂപ്പിച്ചു എടുക്കുക. അതിൽ ചുവന്നുള്ളി, പച്ചമുളക് എന്നിവ പൊടി  ആയി അരിഞ്ഞതും ചേർത്തു വഴറ്റുക. അതിലേക്ക് പുളി വെള്ളം ഒഴിക്കുക, മഞ്ഞൾ പൊടി, ഉലുവ പൊടി, കായം പൊടി ഉപ്പ്‌ എല്ലാം ചേർത്ത ശേഷം തിളക്കുബോൾ ശർക്ക പാനി ഒഴിച്ച് വറ്റിച്ചു എടുക്കുക. അടിപൊളി ഓണം സ്പെഷ്യൽ ഇഞ്ചി പുളി തയ്യാർ.