സെപ്റ്റംബർ 9ന് നടക്കുന്ന “സർപ്രൈസ് ആൻഡ് ഷൈൻ” ഇവന്റിൽ ആപ്പിൾ തന്റെ പുതിയ ഐഫോൺ 18 സീരീസ് അവതരിപ്പിക്കാൻ തയ്യാറെടുക്കുകയാണ്. ഇതിൽ ഐഫോൺ 18 പ്രോ, ഐഫോൺ 18 പ്രോ മാക്സ് എന്നിവ പുറത്തിറങ്ങുമെന്നാണ് സൂചന. ഔദ്യോഗികമായി വിവരങ്ങളൊന്നും പുറത്തുവിട്ടിട്ടില്ലെങ്കിലും, ഇൻഡസ്ട്രി അനലിസ്റ്റുകളുടെയും ടിപ്സ്റ്റർമാരുടെയും റിപ്പോർട്ടുകൾ പ്രകാരം പ്രോ മാക്സ് മോഡലിൽ പെർഫോമൻസ്, ക്യാമറ, ബാറ്ററി ലൈഫ്, ഡിസ്പ്ലേ എന്നിവയിൽ വലിയ മാറ്റങ്ങൾ ഉണ്ടായേക്കാം.
വലിയ രൂപമാറ്റങ്ങളൊന്നും ഇത്തവണ ആപ്പിൾ കൊണ്ടുവരാൻ സാധ്യതയില്ല. മുൻ മോഡലുകളുടെ അതേ ഡിസൈൻ തന്നെയാണ് ഐഫോൺ 18 പ്രോ മാക്സിലും പ്രതീക്ഷിക്കുന്നത്. എങ്കിലും ചെറിയ ഡൈനാമിക് ഐലൻഡ്, നേർത്ത ബെസലുകൾ, അൽപ്പം മാറ്റം വരുത്തിയ ക്യാമറ മോഡ്യൂൾ എന്നിവ ഇതിലുണ്ടാകും. കൂടാതെ ബ്ലാക്ക്, സിൽവർ, ലൈറ്റ് ബ്ലൂ നിറങ്ങൾക്ക് പുറമെ പുതിയ ‘ഡാർക്ക് ചെറി പർപ്പിൾ’ ഫിനിഷിലും ഫോൺ എത്തിയേക്കാം.ഫോണിന്റെ അകത്തളം കൂടുതൽ കരുത്തുറ്റതാക്കാൻ ആപ്പിളിന്റെ പുതിയ ‘എ20 പ്രോ’ പ്രൊസസ്സർ എത്തിയേക്കും. ടി എസ് എം സിയുടെ 2nm നിർമ്മാണ പ്രക്രിയയിലൂടെയാണ് ഈ ചിപ്പ് നിർമ്മിക്കുന്നത്. ഇത് മികച്ച പ്രകടനവും ഉയർന്ന ബാറ്ററി കാര്യക്ഷമതയും നൽകും. ഗെയിമിംഗും ഗ്രാഫിക്സ് ജോലികളും എളുപ്പമാക്കുന്നതിന് കൂടുതൽ മെച്ചപ്പെടുത്തിയ ജി പിയുവും ഇതിലുണ്ടാകുമെന്ന് ചോർന്നുകിട്ടിയ വിവരങ്ങൾ വ്യക്തമാക്കുന്നു.
സമീപകാലത്ത് ആപ്പിൾ നടത്തുന്ന ഏറ്റവും വലിയ ക്യാമറ നവീകരണങ്ങളിൽ ഒന്നായിരിക്കാം ഇത്. ലെൻസിലേക്ക് പ്രവേശിക്കുന്ന വെളിച്ചത്തിന്റെ അളവ് നിയന്ത്രിക്കാൻ സഹായിക്കുന്ന വേരിയബിൾ-അപ്പേർച്ചർ പ്രൈമറി ക്യാമറ ഐഫോൺ 18 പ്രോ മാക്സിൽ ഉൾപ്പെടുത്തിയേക്കാം. ഇത് കുറഞ്ഞ വെളിച്ചത്തിലുള്ള ഫോട്ടോഗ്രാഫി കൂടുതൽ മെച്ചപ്പെടുത്തും. കൂടാതെ ട്രിപ്പിൾ 48എം.പി പിൻ ക്യാമറ സിസ്റ്റവും ഇതിൽ തുടർന്നേക്കും. ഔദ്യോഗിക വില വിവരങ്ങൾ ആപ്പിൾ ഇതുവരെ പ്രഖ്യാപിച്ചിട്ടില്ലെങ്കിലും, ഐഫോൺ 18 പ്രോ മാക്സിന് മുൻ മോഡലുകളെ അക്കാൾഡ് വിലകൂടിയേക്കാം. ഇന്ത്യയിൽ ഇതിന്റെ വില ഏകദേശം 1.59 ലക്ഷം രൂപ മുതൽ 1.80 ലക്ഷം രൂപ വരെയാകാനാണ് സാധ്യത.
0 تعليقات