കൃത്യസമയത്ത് കാറിന്റെ ടയർ മാറ്റേണ്ടത് പ്രധാനമാണ്. കാറുകളുടെ ടയറുകളിൽ ഉണ്ടാകുന്ന തേയ്മാനം മാത്രമല്ല ടയർ മാറാനുള്ള ലക്ഷണമായി കാണേണ്ടത്. കാറുകളുടെ സുരക്ഷയും പെർഫോമൻസും നിലനിർത്തുന്നതിന് ടയറുകളുടെ പ്രധാന്യം വളരെ വലുതാണ്. ഡ്രൈവ് ചെയ്യുമ്പോൾ തന്നെ ടയറുകൾ മാറാൻ സമയമായോ എന്നറിയാൻ സാധിക്കും. നിങ്ങളുടെ കാറിന്റെ ടയറുകൾ മാറാൻ സമയമായി എന്നറിയാനുള്ള ലക്ഷണങ്ങൾ എന്തൊക്കെയാണെന്ന് അറിയാമോ. ത്രെഡ് ഡെപ്ത് നിശ്ചിത ലെവലിൽ താഴെ എത്തുമ്പോൾ ടയറുകൾ മാറ്റേണ്ടത് ആവശ്യമാണ്. ഇത് എല്ലാവർക്കും അറിയുന്ന പൊതുവായ കാര്യമാണ്. ത്രെഡ്സ് മുഴുവനും തീരുന്നത് വരെ കാത്തിരിക്കരുത്. ആവശ്യത്തിന് ട്രെഡ് ഡെപ്ത് ഇല്ലാത്ത ടയറുകൾ ഗ്രിപ്പ് നൽകില്ല. നനഞ്ഞതോ വഴുവഴുപ്പുള്ളതോ ആയ പ്രതലങ്ങളിലാണെങ്കിൽ വാഹനത്തിന്റെ കൺട്രോൾ നഷ്ടമാകാനും ഇത്തരം ടയറുകൾ കാരണമാകും.ടയറുകളുടെ സൈഡ് വാളിൽ വിള്ളലുകളോ വീർക്കലുകളോ ഉണ്ടോയെന്ന് പരിശോധിക്കണം. ഇത്തരത്തിൽ എന്തെങ്കിലും ഉണ്ടെങ്കിൽ നിങ്ങൾ ടയറുകൾ ഉടൻ തന്നെ മാറുക. ഇത്തരം പ്രശ്നഹ്ങൾ ടയറിന്റെ ഘടനയെ ദുർബലപ്പെടുത്തുന്നവയാണ്. ടയറുകളിലെ വിള്ളലുകളും വീർക്കലുകളും ടയർ പൊട്ടത്തെറിക്കാൻ കാരണമാകുന്നു. അസമമായ രീതിയിൽ ത്രെഡ്സ് വെയർ എന്നത് വാഹനത്തിന്റെ ബാലൻസിങ്, സസ്പെൻഷൻ പ്രശ്നങ്ങൾ എന്നിവയുടെ ഭാഗമായി വരുന്നതാണ്. ടയറുകൾക്കിടയിലോ ഒരു ടയറിൽ മാത്രമോ വരുന്ന തേയ്മാനത്തിലെ വ്യത്യാസങ്ങൾ പതിവായി പരിശോധിക്കുകയും ഇത്തരം പ്രശ്നങ്ങൾ വരുന്നുണ്ട് എങ്കിൽ സർവ്വീസ് ചെയ്യുകയും ടയർ മാറ്റുകയും ചെയ്യുക. കാർ ഡ്രൈവ് ചെയ്യുമ്പോൾ കൂടുതലായി വൈബ്രേഷൻ ഉണ്ടാവുകയോ ഹാൻഡ്ലിങ്ങിൽ പ്രശ്നം ഉണ്ടാവുകയോ ചെയ്യുന്നുണ്ട് എങ്കിൽ അത് പരിശോധിക്കേണ്ട കാര്യമാണ്. ഇത്തരം പ്രശ്നങ്ങൾക്ക് കാരണം ടയറിലെ തേയ്മാനമോ കേടുപാടുകളോ ആയിരിക്കും. ടയറുകൾ പരിശോധിച്ച് ആവശ്യമെങ്കിൽ മാറ്റേണ്ട സന്ദർഭമാണ് ഇത്. ഓരോ ടയറിനും നിശ്ചിത കിലോമീറ്റർ വരെ കാലയളവ് പറയാറുണ്ട് എങ്കിലും അധികം ഉപയോഗിക്കാത്ത വാഹനങ്ങളുടെ ടയറുകൾ പഴക്കം കാരണം നശിച്ചേക്കും. കാലപ്പഴക്കം ടയറുകളെ നശിപ്പിക്കുന്നു. നിങ്ങളുടെ ടയറുകൾക്ക് 6 വർഷത്തിൽ കൂടുതൽ പഴക്കമുണ്ടെങ്കിൽ അവ മാറ്റേണ്ടതുണ്ട്. റബ്ബർ അയവില്ലാത്തതും പൊട്ടാൻ സാധ്യതയുള്ളതുമായ മാറുന്നുവെന്നതാണ് ടയറുകൾക്ക് പഴക്ം വരുന്നതിന്റെ പ്രശ്നം.
ടയറുകളിൽ ആവശ്യത്തിന് എയർ ഇല്ലെങ്കിൽ ടയറുകൾ വേഗത്തിൽ തീർന്നുപോകുന്നു. വാഹനത്തിന്റെ മൈലേജിനെ കാര്യമായി ബാധിക്കുന് കാര്യമാണ്. അതുകൊണ്ട് തന്നെ നിങ്ങളുടെ വാഹനത്തിന്റെ ടയർ പ്രെഷർ പതിവായി പരിശോധിക്കേണ്ടതുണ്ട്. കമ്പനി പറയുന്ന അളവിൽ ടയർ പ്രഷർ നിലനിർത്തുക. ടയർ പ്രഷറിൽ ഉണ്ടാകുന്ന കുറവ് ടയർ പെട്ടെന്ന് നശിക്കാൻ കാരണമാകും.
തേഞ്ഞുതീർന്ന ടയറുകൾ റോളിങ് റെസിസ്റ്റൻസ് വർധിപ്പിക്കുന്നു. നിങ്ങളുടെ വാഹനം കൂടുതൽ ഇന്ധനം ഉപയോഗിക്കുന്നുണ്ട് എങ്കിൽ അതിനുള്ള ഒരു കാരണം ടയറുകൾക്ക് അധിക തേയ്മാനം സംഭവിച്ചതായിരിക്കും. മൈലേജിൽ പെട്ടെന്ന് കുറവുകൾ ഉണ്ടായാൽ ടയർ പരിശോധിച്ച് ആവശ്യമെങ്കിൽ ഇവ മാറുക.
0 Comments