ആപ്പിളിന്റെ ആദ്യ ഫോൾഡബിൾ ഡ്യുവോ ഇന്ത്യൻ സ്റ്റോറുകളിലെത്തി; മുഴുവൻ സ്റ്റോക്കും വിറ്റുതീർന്നതായി റിപ്പോർ‌ട്ട്.

 

ആപ്പിളിന്റെ ആദ്യ ഫോൾഡബിൾ സ്മാർട്ട്ഫോണായ ഐഫോൺ ഡ്യുവോ ഇന്ത്യൻ സ്റ്റോറുകളിലെത്തി. ഈ മാസം 16-ന് ആരംഭിച്ച പ്രീ-ബുക്കിങ്ങിലൂടെ ആദ്യ ആഴ്ചയിലെ മുഴുവൻ സ്റ്റോക്കും വിറ്റുതീർന്നതായാണ് റിപ്പോർട്ടുകൾ. മുംബൈയിലെ ബാന്ദ്ര കുർള കോംപ്ലക്സിലുള്ള ആപ്പിൾ സ്റ്റോറിലും ന്യൂഡൽഹിയിലെ സാകേതിലുള്ള സ്റ്റോറിലും ഏറ്റവും കൂടുതൽ ബുക്കിങ്ങുകൾ ലഭിച്ചതായാണ് വിവരം.ആദ്യ ആഴ്ചയിലെ സ്റ്റോക്ക് പൂർണമായും ബുക്ക് ചെയ്തു. ഐഫോൺ ഡ്യുവോ വാങ്ങാൻ ആഗ്രഹിക്കുന്നവർക്ക് ഉടൻ ഫോൺ ലഭിക്കണമെന്നില്ല. ഇന്ത്യയിൽ വിൽപ്പനയ്ക്കായി അനുവദിച്ച സ്റ്റോക്ക് മുഴുവനും ഔദ്യോഗിക വിൽപ്പന ആരംഭിക്കുന്നതിന് മുമ്പുതന്നെ ബുക്ക് ചെയ്തതായി റിപ്പോർട്ടുകളുണ്ട്. ആപ്പിളിന്റെ ഏറ്റവും വിലകൂടിയ സ്മാർട്ട്ഫോണാണിത്.

വാർത്താ ഏജൻസിയായ പിടിഐയുടെ റിപ്പോർട്ട് പ്രകാരം, മുംബൈയിലെ ആപ്പിൾ BKC സ്റ്റോറിലും ന്യൂഡൽഹിയിലെ ആപ്പിൾ സാകേത് സ്റ്റോറിലുമാണ് ഏറ്റവും കൂടുതൽ പ്രീ-ബുക്കിങ്ങുകൾ രേഖപ്പെടുത്തിയത്. ആദ്യ ആഴ്ചയിലെ സ്റ്റോക്ക് മുൻകൂട്ടി ബുക്ക് ചെയ്തുതീർന്ന സാഹചര്യത്തിൽ, ഇപ്പോൾ ഫോൺ ബുക്ക് ചെയ്യുന്നവർക്ക് ലഭ്യതയ്ക്കും ഡെലിവറിക്കുമായി കാത്തിരിക്കേണ്ടിവന്നേക്കാം. സ്റ്റോറുകളിലെ ലഭ്യതയും ഡെലിവറി സമയവും അനുസരിച്ചായിരിക്കും ഉപഭോക്താക്കൾക്ക് ഫോൺ കൈപ്പറ്റാനാകുക.