.gif)
തൃശ്ശൂര്‍: ഇത്തവണ തൃശ്ശൂര്‍ പൂരം പൂര്‍വ്വാധികം ഭംഗിയായി നടത്തുമെന്ന് ദേവസ്വം മന്ത്രി കെ. രാധാകൃഷ്ണന്‍. കോവിഡ് നിയന്ത്രണങ്ങള്‍ ഇല്ലെങ്കിലും മാസ്‌കും സാനിറ്റൈസറും അടക്കമുള്ള സ്വയം സുരക്ഷ എല്ലാവരും ഉറപ്പാക്കണമെന്നും മന്ത്രി പറഞ്ഞു. വന്യു മന്ത്രി കെ രാജന്‍, മന്ത്രി ആര്‍ ബിന്ദു, മറ്റു ജനപ്രതിനിധികള്‍, ദേവസ്വം ഭാരവാഹികള്‍ എന്നിവര്‍ പങ്കെടുത്ത സര്‍വ്വകക്ഷി യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു മന്ത്രി. ദേവസ്വം ബോര്‍ഡുകള്‍ക്കുള്ള സാമ്പത്തി പ്രതിസന്ധി പരിഹരിച്ച് മുന്നോട്ടുപോകുമെന്നും യോഗത്തില്‍ ദേവസ്വം ഭാരവാഹികള്‍ക്ക് മന്ത്രി ഉറപ്പു നല്‍കി.
