മത സൗഹാർദ്ദ സമ്മേളനം കണ്ണൂരിൽ

കണ്ണൂർ: ഗ്ലോബൽ ഇന്ത്യൻ അസോസിയേഷൻ നേതൃത്വത്തിൽ 2023 ഫെബ്രുവരി 11 ന് കണ്ണൂരിൽ വച്ചു കേരളത്തിലെ പ്രമുഖ മത സാംസ്‌കാരിക രാഷ്ട്രീയ നേതാക്കളും വിവിധ മത വിശ്വാസികളും ഒത്തു ചേരുന്ന മത സൗഹാർദ്ദ സമ്മേളനം സംഘടിപ്പിക്കുന്നു. സ്നേഹത്തിന്റെയും സമാധാനത്തിന്റെയും സഹോദര്യത്തിന്റെയും സന്ദേശവുമായി 2023 ഫെബ്രുവരി 11 ന് ശനിയാഴ്ച രാവിലെ 9.30 മുതൽ വൈകുന്നേരം 5.30 വരെ കണ്ണൂർ ദിനേശ് ഓഡിറ്റോറിയത്തിൽ വച്ചു സംഘടിപ്പിക്കുന്ന മത സൗഹാർദ്ദ സമ്മേളനത്തിന് മുൻ പ്രധാനമന്ത്രി ശ്രീ രാജീവ്‌ ഗാന്ധിയുടെയും മുൻ രാഷ്‌ട്രപതി ഡോക്ടർ ശങ്കർ ദയാൽ ശർമ്മയുടെയും അനുഗ്രഹത്തോടെ 1987 ഇൽ സമാധാന സന്ദേശവുമായി സൈക്കിളിൽ ലോക പര്യടനത്തിനു പുറപ്പെട്ട ശ്രീ രാജീവ്‌ ജോസഫാണ് നേതൃത്വം നൽകുന്നത്. കണ്ണൂർ ജില്ലയിലെ ഉളിക്കൽ സ്വദേശിയും ഇരിക്കൂർ നിയോജക മണ്ഡലം എം. എൽ. എ അഡ്വക്കേറ്റ് സജീവ് ജോസഫിന്റെ സഹോദരനുമാണ് രാജീവ്‌ ജോസഫ്.