കോഴിക്കോട്: കരിപ്പൂര് വിമാനത്താവളം വഴി സ്വര്ണം കടത്താന് സഹായം നല്കിയെന്ന കേസില് 11 കസ്റ്റംസ് ഉദ്യോഗസ്ഥര്ക്കെതിരെ നടപടി എടുത്ത് അധികൃതര്. രണ്ട് സൂപ്രണ്ടുമാരെ പിരിച്ചുവിടാനും അഞ്ച് ഇന്സ്പെക്ടര്മാരെയും രണ്ട് ഹെഡ് ഹവില്ദാര്മാരെയും കസ്റ്റംസ് സര്വീസില് നിന്ന് നീക്കം ചെയ്യാനും മറ്റൊരു സൂപ്രണ്ടിന്റെ ഇന്ക്രിമെന്റ് തടയാനുമാണ് തീരുമാനം. കൂടാതെ കേസിന്റെ കാലയളവില് വിരമിച്ച ഒരു സൂപ്രണ്ടിന്റെ പെന്ഷന് ആനുകൂല്യങ്ങള് തടയാനും നിര്ദേശമുണ്ട്.സര്വീസില് നിന്ന് പിരിച്ചുവിട്ട സൂപ്രണ്ടുമാര്ക്ക് ഇനി സര്ക്കാര് ജോലികള്ക്ക് അപേക്ഷിക്കാനാകില്ല
രണ്ട് വര്ഷം മുന്പുളള കേസിലാണ് നിലവില് നടപടി എടുത്തിരിക്കുന്നത്. കേസില് വിശദമായ അന്വേഷണം പൂര്ത്തിയാക്കിയ ശേഷമാണ് പിരിച്ചുവിടല് അടക്കമുളള നടപടിയിലേക്ക് അധികൃതര് കടന്നത്.