.gif)
മയ്യിൽ | അമ്പിലേരി അങ്കണവാടിയി നിന്ന് 44 വർഷത്തെ സേവനത്തിനു ശേഷം വിരമിക്കുന്ന വർക്കർ കെ വി സത്യവതിക്ക് വേളം പൗരാവലിയുടെ നേതൃത്വത്തിൽ യാത്രയയപ്പ് നൽകി. ഇരിക്കൂർ ബ്ലോക്ക് പഞ്ചായത്ത് പ്രസിഡന്റ് അഡ്വ: റോബർട്ട് ജോർജ് ഉദ്ഘാടനവും ഉപഹാര സമർപ്പണവും നിർവഹിച്ചു.
വാർഡ് മെമ്പർ കെ ബിജു ചടങ്ങിൽ അധ്യക്ഷത വഹിച്ചു. സി സി നാരായണൻ സ്വാഗതം പറഞ്ഞ ചടങ്ങിൽ ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ രവി മാസ്റ്റർ , വി പി രതി, കെ രാധിക, പി പി സ്നേഹജൻ, കെ പി രാധാകൃഷ്ണൻ, സി ദാമോദരൻ എന്നിവർ ആശംസ നേർന്ന് സംസാരിച്ചു. സംഘാടക സമിതി കൺവീനർ സി ലക്ഷ്മണൻ നന്ദി രേഖപ്പെടുത്തി.
കുട്ടികൾ, രക്ഷിതാക്കൾ, പൂർവ വിദ്യാർഥികൾ, കുടുംബശ്രീ എ ഡി എസ്, സി ഡി എസ് കമ്മിറ്റികൾ ഉപഹാരങ്ങൾ നൽകി ആദരിച്ചു. ചിത്രകാരൻ രമേശൻ ഛായചിത്രം സമ്മാനിച്ചു. തുടർന്ന് അങ്കണവാടി കുട്ടികളുടെ വിവിധലാപരിപാടികൾ അരങ്ങേറി
