.gif)
ഇരിട്ടി: പാട്ടും കളിയും ഡാൻസും, പഠന സഹായ പ്രദർശനവും നാടകവുമൊക്കെ സമന്വയിപ്പിച്ച് ഇരിട്ടി ഹയർ സെക്കണ്ടറി സ്കൂളിലെ വിദ്യാർത്ഥികൾ സംഘടിപ്പിച്ച പഠനോത്സവം സ്കൂളിൻ്റെ മികവിൻ്റെ ഉത്സവമായി മാറി. പൊതു വിദ്യാഭ്യാസ വകുപ്പും സമഗ്ര ശിക്ഷാ കേരളയും സംയുക്തമായി സ്കൂൾ തലത്തിൽ നടപ്പിലാക്കുന്ന പ്രാദേശിക പoനോത്സവത്തിൻ്റെ ഭാഗമായാണ് വിദ്യാർത്ഥികളുടെ കലാപ്രകടനങ്ങളും പ്രദർശനങ്ങളും സംഘടിപ്പിച്ചത്.
അധ്യയന വർഷം പാo ഭാഗത്തുനിന്ന് ഉൾക്കൊണ്ട അറിവുകളെ പല കലാപ്രകടനങ്ങളിലൂടെ വിദ്യാർത്ഥികൾ അവതരിപ്പിച്ചു. ഇരിട്ടി നഗരസഭ വൈസ് ചെയർമാൻ പി.പി.ഉസ്മാൻ പഠനോത്സവം ഉദ്ഘാടനം ചെയ്തു. പി.ടി.എ പ്രസിഡണ്ട് സന്തോഷ് കോയിറ്റി അധ്യക്ഷനായി. പ്രധാനാധ്യാപകൻ എം.ബാബു മുഖ്യ പ്രഭാഷണം നടത്തി. നഗരസഭ കൗൺസിലർ കെ.നന്ദനൻ,പ്രിൻസിപ്പാൾ കെ.ഇ.ശ്രീജ, അധ്യാപകരായ എം.പ്രദീപൻ, ഷൈനി യോഹന്നാൻ, പി.വി.ശശീന്ദ്രൻ എന്നിവർ സംസാരിച്ചു. അധ്യാപകരായ എൻ.ബീന,കെ.വി.പ്രസാദ്, പി.രമേശൻ, പി.എൻ.ഷീബ, ടി.വി.റീന,പി.എം.അഖില,എം.പുരുഷോത്തമൻ എന്നിവർ നേതൃത്വം നൽകി.
