.jpg)
.gif)
ഇരിട്ടി: വായനവാരാചരണത്തിൽ പഠിച്ചിറങ്ങിയ വിദ്യാലയത്തിൽ തൻ്റെ പുസ്തക പ്രകാശന വുമായി ഇരിട്ടിയുടെ കഥയെഴുത്തുകാരി. ഇരിട്ടി ഹയർ സെക്കണ്ടറി സ്കൂൾ 95 ബാച്ച് പൂർവ വിദ്യാർത്ഥിയും കഥാകാരിയുമായ ഇരിട്ടി പുന്നാട് സാജിദ മൻസിലിൽ ബുഷ്റ സലാം ആണ് പഠിച്ചിറങ്ങിയ വിദ്യാലയത്തിൽ വെച്ച് തൻ്റെ സാഹിത്യ സൃഷ്ടിയുടെ പ്രകാശനത്തി നൊരുങ്ങുന്നത്. ബുഷ്റ സലാം ഉൾപ്പെടെ കേരളത്തിലെ 12 ഓളം കഥാകൃത്തുക്കളുടെ കഥകളും ലേഖനങ്ങളും, യാത്രാനുഭവങ്ങളും ഉൾപ്പെടെയുള്ള സാഹിത്യ സൃഷ്ടികളടങ്ങിയ റഷീദ് വെന്നിയൂറിൻ്റെ നേതൃത്വത്തിൽ 'മന്ദാരം പബ്ലിക്കേഷൻസ് പുറത്തിറക്കിയ പൂമരച്ചില്ലകൾ എന്ന പുസ്തകസമാഹാരമാണ് നാളെ പ്രകാശനം ചെയ്യുന്നത്. നാളെ രാവിലെ 10 മണിക്ക് ബുഷ്റസലാം പത്താം ക്ലാസ് വരെ പഠിച്ച ഇരിട്ടി ഹയർ സെക്കണ്ടറി സ്കൂളിൽ വെച്ച് നടക്കുന്ന ചടങ്ങിൽ ഇരിട്ടി നഗരസഭ ചെയർ പേഴ്സൺ കെ.ശ്രീലത സ്കൂൾ പ്രിൻസിപ്പാൾ കെ. ഇ.ശ്രീജ ടീച്ചർ, പ്രധാനാധ്യാപിക ഷൈനി യോഹന്നാൻ ടീച്ചർ, എന്നിവർക്ക് പുസ്തകങ്ങൾ കൈമാറി പ്രകാശനം ചെയ്യും. പി.ടി.എ പ്രസിഡണ്ട് സന്തോഷ് കോയിറ്റി അധ്യക്ഷനാകും. പിടിഎ വൈസ് പ്രസിഡണ്ട് ആർ.കെ. ഷൈജു, സ്റ്റാഫ് സെക്രട്ടറിമാരായ കെ.വി.സുജേഷ് ബാബു മാസ്റ്റർ, പി.വി.ശശീന്ദ്രൻ മാസ്റ്റർ, ബുഷ്റസലാം എന്നിവർ സംസാരിക്കും.
