ശ്രീജിത്തിന്റെ കരൾ മാറ്റിവെക്കാൻ നാട്ടുകാർ ചികിത്സാസഹായ കമ്മിറ്റി രൂപീകരിച്ചു.

ഇരിട്ടി: കടത്തും കടവിലെ കറുകപ്പാറയിൽ കെ .എൻ. ശ്രീജിത്ത് ഗുരുതരമായ കരൾ രോഗം ബാധിച്ച് കോഴിക്കോട് മിംസ് ആശുപത്രികളിൽ ചികിത്സയിലാണ്. കരൾ മാറ്റിവെക്കലിലൂടെ മാത്രമേ ശ്രീജിത്തിന്റെ ജീവൻ രക്ഷിക്കാൻ കഴിയൂ. കരൾ പകത്തു നൽകാൻ ശ്രീജിത്തിന്റെ സഹോദരൻ തയ്യാറുമാണ്. അതിനായുള്ള പരിശോധനകളെല്ലാം നടന്നുവരികയാണ്. ആദ്യഘട്ട ചികിത്സക്കായി 20 ലക്ഷത്തിൽ പരം രൂപ ആശുപത്രിയിൽ ചിലവ് വരും. തുടർ ചികിത്സക്കായി വേറെയും പണം ആവശ്യമാണ്. വിദ്യാർഥികളായ രണ്ട് മക്കളും ഭാര്യയും അടങ്ങുന്ന ശ്രീജിത്തിന്റെ കുടുംബം കടുത്ത സാമ്പത്തിക പ്രതിസന്ധിയിലാണ്. കിടപ്പാടം ഉൾപ്പെടെ പണയത്തിലുമാണ്. കുടുംബത്തിൻറെ നിസ്സഹായാവസ്ഥയിൽ നാട്ടുകാർ ചികിത്സക്കായി കമ്മറ്റി രൂപീകരിച്ചു. ഇരിട്ടി ബ്ലോക്ക് പഞ്ചായത്ത് പ്രസിഡൻറ് കെ. വേലായുധൻ, പായം പഞ്ചായത്ത് പ്രസിഡണ്ട് പി. രജനി എന്നിവർ രക്ഷാധികാരികളായി വാർഡ് മെമ്പർ പി. വി. രമാവതി ചെയർമാനായും വി. കെ. ബാബു കൺവീനറുമായി ചികിത്സാ സഹായ കമ്മിറ്റി രൂപീകരിച്ചു. കേരള ഗ്രാമീൺ ബാങ്ക് ഇരിട്ടി ശാഖയിൽ 40487101083897 ഈ നമ്പറിൽ ചികിത്സാസഹായ കമ്മിറ്റി അക്കൗണ്ട് തുടങ്ങി. ശ്രീജിത്തിനെയും കുടുംബത്തെയും സഹായിക്കാൻ താല്പര്യം ഉള്ളവർക്ക് ഇതിൽ പണം നിക്ഷേപിക്കാം. കേരളാ ഗ്രാമീൺ ബാങ്ക് , ഇരിട്ടി ബ്രാഞ്ച്, എ സി നമ്പർ - 40487101083897 , ഐ എഫ് എസ് സി : കെ എൽ ജി ബി 0040487.