കേരളത്തെ സാമ്പത്തിക ഉപരോധത്തിലൂടെ വരിഞ്ഞു മുറുക്കുന്ന കേന്ദ്ര സർക്കാർ നയത്തിനെതിരെ സിപിഐ എം നേതൃത്വത്തിൽ നിയമസഭാ മണ്ഡലം അടിസ്ഥാനത്തിൽ ജനകീയ പ്രക്ഷോഭം സംഘടിപ്പിച്ചു. ശ്രീകണ്ഠപുരത്ത് ഇരിക്കൂർ മണ്ഡലത്തിന്റെ ഭാഗമായാണ് പ്രക്ഷോഭം സംഘടിപ്പിച്ചത്. ശ്രീകണ്ഠപുരം ബസ്സ്റ്റാന്റ് പരിസരത്ത് നടന്ന പരിപാടി സിപിഐ എം കേന്ദ്ര കമ്മിറ്റി അംഗം പി കെ ശ്രീമതി ഉദ്ഘാടനം ചെയ്തു. സിപിഐ എം ശ്രീകണ്ഠപുരം ഏരിയ സെക്രട്ടറി എം സി രാഘവൻ അധ്യക്ഷനായി. ജില്ലാ സെക്രട്ടറിയേറ്റ് അംഗം വി വി ഗോപിനാഥ്, എം കരുണാകരൻ, സാജൻ കെ ജോസഫ് തുടങ്ങിയവർ സംസാരിച്ചു.