കൊളച്ചേരിയിൽ ജോലി കഴിഞ്ഞ് മടങ്ങുകയായിരുന്നയുവതിയെ രണ്ടുപേർ ചേർന്ന് ആക്രമിച്ചു

കൊളച്ചേരി : ജോലി കഴിഞ്ഞ് മടങ്ങുകയായിരുന്ന കൊളച്ചേരിപ്പറമ്പ് സ്വദേശി യുവതിയെ രണ്ടുപേർ ചേർന്ന് ആക്രമിച്ചതായി പരാതി. ആക്രമിക്കപ്പെട്ട യുവതി മയ്യിൽ പോലീസ് സ്റ്റേഷനിൽ പരാതി നൽകി.

കരിങ്കൽക്കുഴി സ്വദേശികളായ രാജേഷ്, അജയൻ എന്നിവർക്ക് എതിരെയാണ് പരാതി. കഴിഞ്ഞ ദിവസം രാത്രി ജോലി കഴിഞ്ഞ് മടങ്ങുകയായിരുന്ന യുവതിയെ ഇരുവരും വടി കൊണ്ട് ആക്രമിക്കുക ആയിരുന്നു.ശബ്ദം കേട്ട് ഓടിയെത്തിയ യുവതിയുടെ ഭർത്താവിനെയും ഇവർ ആക്രമിച്ചു. ഇരുവർക്കും പരിക്കേറ്റിട്ടുണ്ട്. ഇവരുടെ സ്കൂട്ടറിനും കേടുപാടുകൾ സംഭവിച്ചു.