.gif)
പാര്‍ട്ടി പരിപാടി നടക്കുന്നതിനിടെ നേതാക്കന്മാരുടെ പ്രസംഗം തീരും മുമ്പേ പ്രവര്‍ത്തകര്‍ സദസില്‍ നിന്ന് ഇറങ്ങിപ്പോയതില്‍ ക്ഷുഭിതനായി കെ പി സി സി അധ്യക്ഷന്‍ കെ സുധാകരന്.കൊല്ലത്ത് കോണ്‍ഗ്രസ് പ്രവര്‍ത്തക കണ്‍വന്‍ഷനിലാണ് കെ സുധാകരന് ക്ഷുഭിതനായി പൊട്ടിത്തെറിച്ചത്. മൂന്നുമണിക്കൂര്‍ നീണ്ടുനില്‍ക്കുന്ന യോഗത്തില്‍ ഇരിക്കാന്‍ പറ്റില്ലെങ്കില്‍ നിങ്ങള്‍ എന്ത് നേതാക്കളാണെന്നും മര്യാദ കാണിക്കണമെന്നും കെ സുധാകരന് പൊട്ടിത്തെറിച്ചു. ബിജെപിയെയും സിപിഎമ്മിനെയും തകര്‍ക്കണമെന്ന് പറയുന്ന നിങ്ങള്‍ ആരെ തകര്‍ക്കാനാണ് വന്നതെന്നും ക്ഷുഭിതനായ കെ സുധാകരന് ചോദിച്ചു. പ്രവര്‍ത്തകര്‍ ഒരിക്കലും നന്നാവില്ലെന്ന് പറഞ്ഞാണ് സുധാകരന് പ്രസംഗം നിര്‍ത്തിയത്.
