എറണാകുളം : വിവാഹം കച്ചവട മനസ്ഥിതിയോടെ നടത്തുന്ന പ്രവണത വ്യാപിക്കുന്നുവെന്ന് വനിത കമ്മീഷന് അധ്യക്ഷ പി.സതീദേവി.വിവാഹം നടന്ന് ചുരുങ്ങിയ കാലത്തിനുള്ളില് ദമ്പതികള് തമ്മില് പ്രശ്നങ്ങള് ഉണ്ടാകുന്നു. വിലപേശി പണംവാങ്ങുന്നു, വധുവിന്റെ സ്വര്ണ്ണവും മറ്റു സമ്പാദ്യവും വരന്റെ ബന്ധുക്കള് കൈവശപ്പെടുത്തി കൈകാര്യം ചെയ്യുന്നു, മാത്രമല്ല തൊഴിലിടങ്ങളിലെ അധിക്ഷേപം, വഴിതര്ക്കം, കുടുംബ പ്രശ്നങ്ങള് തുടങ്ങിയവ ആവർത്തിക്കുന്നതായും വനിതാ കമ്മീഷന് അധ്യക്ഷ പറഞ്ഞു.പ്രശ്നങ്ങള് പരിഹരിക്കുന്നതിനും രമ്യമായ അന്തരീക്ഷം ഉറപ്പാക്കുന്നതിനും അതാത് തദ്ദേശ സ്ഥാപനതലത്തിലെ ജാഗ്രതാ സമിതികളുടെ പ്രവര്ത്തനം ശക്തമാക്കണമെന്നും സമിതികള്ക്ക് നിയമപരമായ അംഗീകാരം നല്കണമെന്ന് സര്ക്കാരിനോട് ആവശ്യപ്പട്ടുവെന്നും വനിതാ കമ്മീഷൻ അധ്യക്ഷ പറഞ്ഞു.
WE ONE KERALA
NM