.gif)
ഭരണഘടന ഭേദഗതി ചെയ്ത് രാജ്യത്തെ ഇരുട്ടിലേക്ക് നയിക്കാനുള്ള ശ്രമമാണ് സംഘപരിവാർ ഭരണകൂടം നടത്തുന്നതെന്ന് സജീവ് ജോസഫ് എം എൽ എ.
റിപ്പബ്ലിക് ദിനത്തിൽ പാലക്കയം തട്ടിൽ വെച്ച് നടന്ന കെ എസ് യു കണ്ണൂർ ജില്ലാ കമ്മിറ്റിയുടെ നിശാ ശില്പശാല ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.കെ എസ് യു സംസ്ഥാന പ്രസിഡന്റ്‌ അലോഷ്യസ് സേവ്യർ മുഖ്യ പ്രഭാഷണം നടത്തി. കെ എസ് യു ജില്ലാ പ്രസിഡന്റ്‌ എം സി അതുൽ അധ്യക്ഷത വഹിച്ചു.
കെ എസ് യുവിന്റെ സംഘടന വിഷയങ്ങളും ജില്ലയിലെ പ്രവർത്തനങ്ങളും വിലയിരുത്തിയ ശില്പശാലയിൽ ശുഹൈബ് അനുസ്മരണ റാലി ഫെബ്രുവരി 3 ന് വൈകുന്നേരം 3 മണിക്ക് മട്ടന്നൂരിൽ വെച്ച് നടത്താൻ തീരുമാനിച്ചു.
പി മുഹമ്മദ്‌ ഷമ്മാസ്, ഫർഹാൻ മുണ്ടേരി,അൻസിൽ വാഴപ്പിള്ളി,ആകാശ് ഭാസ്കരൻ എന്നിവർ സംസാരിച്ചു.
