.gif)
.jpeg)
വിവാഹ ശേഷം സിനിമയില്‍ മാത്രമല്ല, സോഷ്യല്‍ മീഡിയയിലും വാണി വിശ്വനാഥ് ഒട്ടും സജീവമല്ല. എന്നാല്‍ ഭാര്യയുടെയും മക്കളുടെയും വിശേഷങ്ങള്‍ എല്ലാം പങ്കുവച്ചുകൊണ്ട് ഇടയ്ക്ക് ബാബുരാജ് ഇന്‍സ്റ്റഗ്രാമില്‍ എത്താറുണ്ട്. അങ്ങനെ ഇപ്പോള്‍ ഏറ്റവും ഒടുവില്‍ പങ്കുവച്ച ഫോട്ടോ ആണ് വൈറലാവുന്നത്.'ബര്‍ത്ത് ഡേ സെലിബ്രേഷന്‍' എന്ന് ക്യാപ്ഷനോടെ ഒരു കുടുംബ ചിത്രമാണ് പങ്കുവച്ചിരിയ്ക്കുന്നത്. ഇടുവും വലും മകളെയും ഭാര്യയെയും ചേര്‍ത്ത് പിടിച്ച് ബാബുരാജ് ഇരിയ്ക്കുന്നു. മകനാണ് ചിത്രം എടുത്തത്. ക്യൂട്ട് ഫാമിലി ഫോട്ടോ സോഷ്യല്‍ മീഡിയ ഏറ്റെടുത്തു കഴിഞ്ഞു.ബര്‍ത്ത് ഡേ സെലിബ്രേഷന്‍ എന്ന് പറഞ്ഞുവെങ്കിലും ആരുടേതാണ് ബര്‍ത്ത് ഡേ ആണ് എന്ന് നടന്‍ പറഞ്ഞിട്ടില്ല. മെയ് 13 നാണ് വാണി വിശ്വനാഥിന്റെ ബര്‍ത്ത് ഡേ, മാര്‍ച്ച് 5 നാണ് ബാബുരാജിന്റെ ബര്‍ത്ത് ഡേ. മക്കളില്‍ ആരുടേതോ ആവാം, എന്നാലും ബര്‍ത്ത് ഡേ ആശംസകള്‍ എന്ന് പറഞ്ഞാണ് കമന്റുകള്‍.
മകള്‍ ആര്‍ച്ചയെ കുറിച്ചുള്ള കമന്റുകളും ചിത്രത്തിന് താഴെ ഒരുപാട് വരുന്നുണ്ട്. അമ്മയുടെ സൗന്ദര്യം കിട്ടിയിട്ടുണ്ട്, ക്യൂട്ട് ആര്‍ച്ച എന്നൊക്കെയാണ് മകളെ കുറിച്ച് പറയുന്നത്. അച്ഛന്റെയും അമ്മയുടെയും പാരമ്പര്യം പിന്‍തുടര്‍ന്ന് മകള്‍ അഭിനയത്തിലേക്ക് വരുമോ എന്നറിയാനും ചിലര്‍ക്ക് ആവേശമുണ്ട്.
വില്ലന്‍ വേഷത്തിലൂടെയാണ് ബാബുരാജ് സിനിമയില്‍ തന്റെ ഇടം കണ്ടെത്തിയത്. ജൂനിയര്‍ ആര്‍ട്ടിസ്റ്റില്‍ നിന്ന് പതിയെ മെയിന്‍ വില്ലന്‍ വേഷത്തിലേക്കെത്തിയ ബാബുരാജിന്റെ കരിയര്‍ മാറ്റി മറിച്ച ചിത്രമാണ് സാള്‍ട്ട് ആന്റ് പെപ്പര്‍. അതിന് ശേഷം കംപ്ലീറ്റ് കോമഡി റോളിലേക്ക് മാറുകയായിരുന്നു. അതോടെ കൂടുതല്‍ അവസരങ്ങളും വന്നു.
