സ്വാദിഷ്ടമായ നാടന്‍ ചിക്കന്‍ തോരന്‍ തയ്യാറാക്കാം - We One Kerala

We One Kerala

WE ONE KERALA - നമ്മളൊന്ന് ...

Home Top Ad

 


We One Kerala (Android channel) നമ്മളൊന്ന്.... | We One Kerala (Online News Portal) നമ്മളൊന്ന്... | വാർത്തകൾ, പരസ്യങ്ങൾ നൽകുവാൻ 8330058833 വീ വൺ കേരള (നമ്മളൊന്ന്.. www.weonekerala.com, www.weonekeralaonline.com) എന്ന ഓൺലൈൻ ന്യൂസ് പോർട്ടലുകളിലേക്ക് വാർത്തകളും, പരസ്യങ്ങളും വാട്ട്സ് ആപ്പ് ചെയ്യൂ .... 8086858232 ദൃശ്യ വിസ്‌മയമൊരുക്കി ആൻഡ്രോയിഡ് വിഷ്വൽ ചാനലും ..... വീ വൺ കേരള (നമ്മളൊന്ന്) ആൻഡ്രോയിഡ് ടി.വിയിലും , ആൻഡ്രോയിഡ് സെറ്റ് ടോപ്പ് ബോക്സ് വഴിയും കൈയിലുള്ള ആൻഡ്രോയിഡ് മൊബൈൽ ഫോൺ പ്ലേ സ്റ്റോറിൽ നിന്നും WE ONE KERALA എന്ന ആൻഡ്രോയിഡ് വിഷ്വൽ ചാനൽ ഡൗൺലോഡ് ചെയ്‌ത്‌ ആസ്വദിക്കാം .......... വീ വൺ കേരള എന്ന ആൻഡ്രോയിഡ് വിഷ്വൽ ചാനൽ Logicwebs.in, Pocket t.v, cloud t.v തുടങ്ങിയ ഒ.ടി.ടി പ്ലാറ്റ്‌ഫോമുകളിലും ലഭ്യമാണ്. വീ.വൺ കേരളയുടെ നൂതന സംരംഭമാണ് WE ONE HELP മൾട്ടി ഓപ്ഷണൽ ഇ ഡയറക്ടറി.,,,, ആൻഡ്രോയിഡ് മൊബൈൽ ഫോൺ play store ൽ നിന്നും we one help ഡൗൺലോഡ് ചെയ്യൂ... വീ വൺ കേരളയുടെ ഓൺലൈൻ റേഡിയോ ഇപ്പോൾ പ്ലേസ്റ്റോറിൽ ലഭ്യമാണ്. WE ONE KERALA ONLINE RADIO ഡൗൺലോഡ് ചെയ്യൂ..... കേട്ടുകൊണ്ടേയിരിക്കൂ...... വീ. വൺ ചാനലിൽ പരസ്യം നൽകുവാൻ വിളിക്കൂ... 8330058833, 80 86 85 82 32.

 


Friday 9 February 2024

സ്വാദിഷ്ടമായ നാടന്‍ ചിക്കന്‍ തോരന്‍ തയ്യാറാക്കാം

 

ചിക്കന്‍ വിഭവങ്ങള്‍ നോണ്‍വെജ് പ്രേമികള്‍ക്ക് പ്രിയങ്കരമാണ്. പ്രത്യേകിച്ചും നാടന്‍ വിഭവങ്ങള്‍. അറേബ്യന്‍ ചിക്കന്‍ വിഭവങ്ങളും ചൈനീസ് വിഭവങ്ങളുമെല്ലാം പ്രചാരത്തിലായിട്ടും മലയാളിയ്ക്ക് ഇപ്പോഴും നാടന്‍ ചിക്കന്‍ വിഭവങ്ങള്‍ ഏറെ പ്രിയങ്കരമാണ്. നാടന്‍ രീതിയില്‍ ഉണ്ടാക്കാവുന്ന ഒന്നാണ് ചിക്കന്‍ തോരന്‍. ഏറെ സ്വാദിഷ്ടമായ, എന്നാല്‍ അതേ സമയം അധികം ബുദ്ധിമുട്ടില്ലാതെ തയ്യാറാക്കാന്‍ സാധിയ്ക്കുന്ന ഒന്നാണ് ഇത്.ഇതിനായി വേണ്ടത് ചിക്കന്‍, ഇഞ്ചി, ചെറിയുളളി, വെളുത്തുള്ളി, തേങ്ങ, സവാള, കറിവേപ്പില, വെളിച്ചെണ്ണ എന്നിവ വേണം. ചിക്കന്‍ ഇതിനായി ചെറിയ കഷ്ണങ്ങളാക്കി മുറിച്ചെടുക്കുക. പിന്നീട് ചെറുയുള്ളി, ഇഞ്ചി, വെളുത്തുള്ളി എന്നിവ ചെറുതായി ചതച്ചെടുക്കാം. ചെറിയുള്ളി ആദ്യം തനിയെ ചതച്ച് മാറ്റി ബാക്കി രണ്ടു ചേരുവ ഒരുമിച്ച് ചതച്ചാല്‍ മതിയാകും. ഒരു കിലോ ചിക്കന് രണ്ട് മീഡിയം കഷ്ണം ഇഞ്ചി, 14 വെളുത്തുള്ളി, 20 ചുവന്നുള്ളി എന്നിവയാണ് വേണ്ടത്. സവാള നാലെണ്ണം ഇടത്തരം വലിപ്പത്തിലുള്ളത് വേണം. ഇതില്‍ രണ്ടെണ്ണം ആദ്യം നുറുക്കുക. ചെറുതായി നുറുക്കിയാല്‍ മതിയാകും.ഇതിനായി ചിക്കന്‍ തയ്യാറാക്കുന്ന പാനില്‍ വെളിച്ചെണ്ണ ചേര്‍ക്കുക. ഇത് ചൂടാകുമ്പോള്‍ ഇതിലേയ്ക്ക് ഒരു ടീസ്പൂണ്‍ കടുക് ചേര്‍ക്കാം. ചെറിയുള്ളി ചതച്ചത് ഇടാം. ചെറിയുള്ളി മൂക്കുമ്പോള്‍ അറിഞ്ഞ് വച്ചിരിയ്ക്കുന്ന സവാള ചേര്‍ത്തിളക്കാം. ഇത് ഒരുവിധം വഴറ്റിക്കഴിയുമ്പോള്‍ ഇഞ്ചി, വെളുത്തുള്ളി ചതച്ചത് ചേര്‍ക്കാം. പിന്നീട് കറിവേപ്പിലയും ചേര്‍ക്കാം. ഇത് നല്ലതുപോലെ ചേര്‍ത്തിളക്കി ഒന്ന് വെന്തു കുഴഞ്ഞ് വരുമ്പോള്‍ ഇതിലേയ്ക്ക് ചിക്കന്‍ ചേര്‍ക്കാം. ഇതിലേയ്ക്ക് കാല്‍ ടീസ്പൂണ്‍ മഞ്ഞള്‍പ്പൊടി, അര ടീസ്പൂണ്‍ ഗരം മസാലപ്പൊടി എന്നിവ ചേര്‍ത്തിളക്കാം. ഇതിലേയ്ക്ക് പാകത്തിന് ഉപ്പ്, ഇതിനൊപ്പം നീളത്തില്‍ ബാക്കിയുള്ള സവാള ചേര്‍ത്ത്് നല്ലതുപോലെ ഇളക്കാം. ഇത് അടച്ച് വച്ച് വേവിയ്ക്കാം.ഇതില്‍ ചേര്‍ക്കാനുള്ള അടുത്ത കൂട്ട് തേങ്ങയാണ്. ചിരകിയ തേങ്ങയാണ് വേണ്ടത്. ഒന്നര-2 കപ്പ് തേങ്ങ ചിരകിയത് എടുക്കാം. ഇത് മിക്‌സിയില്‍ ഇട്ട് ഒന്ന് പതിയെ ചതച്ചെടുക്കാം. ഇത് പുറത്തെടുക്ക് ഇതിലേയ്ക്ക് ആവശ്യത്തിന് എരിവ് അനുസരിച്ച് മുളക്‌പൊടി ചേര്‍ത്തിളക്കാം. അല്‍പം മഞ്ഞള്‍പ്പൊടി, കറിവേപ്പില എന്നിവ കൂടി ചേര്‍ത്ത് കൈകൊണ്ട് നല്ലതുപോലെ ഇത് ഇളക്കിച്ചേര്‍ക്കാം. ചിക്കന് നിറം വരണമെങ്കില്‍ കശ്മീരി മുളകുപൊടി കൂടി ചേര്‍ക്കാം. എരിവ് എത്ര വേണം എന്നതിന് പാകത്തിന് ചേര്‍ക്കാം.ഈ തയ്യാറാക്കിയ തേങ്ങാക്കൂട്ട് വെന്ത ചിക്കനിലേയ്ക്ക് ചേര്‍ത്തിളക്കാം. ചിക്കന്‍ ഒരുവിധം പൂര്‍ണമായി വെന്ത ശേഷം തേങ്ങാക്കൂട്ട് ഇടുക. ഇതെല്ലാം ചേര്‍ത്തിളക്കി നല്ലതുപോലെ ഇളക്കിച്ചേര്‍ക്കാം. ഇതിലേയ്ക്ക് ലേശം ഗരം മസാലപ്പൊടി കൂടി ചേര്‍ത്തിളക്കാം. ഇത് ഇളക്കിച്ചേര്‍ത്ത് അടച്ചുവച്ച് വെള്ളം വറ്റി കഴിയുമ്പോള്‍ മുകളില്‍ അല്‍പം കറിവേപ്പില കൂടി ചേര്‍ത്തിളക്കി വാങ്ങി അടച്ചു വയ്ക്കാം. ചോറിനൊപ്പവും കപ്പയ്‌ക്കൊപ്പവും ചപ്പാത്തിയ്‌ക്കൊപ്പവുമെല്ലാം കഴിയ്ക്കാന്‍ ഇതേറെ നല്ലതാണ്.

Post Top Ad