ചെമ്പിലോട് എച്ച്.എസ്.എസിൽ സ്പോർട്‌സ് കോംപ്ലക്‌സും ടർഫും ഉദ്ഘാടനം ചെയ്തു

 ചക്കരക്കല്ല് കായികരംഗത്ത് വിദ്യാർഥികളുടെ മുന്നേറ്റം ലക്ഷ്യമിട്ട് ചെമ്പിലോട് ഹയർസെക്കൻഡറി സ്കൂളിൽ തയ്യാറാക്കിയ സ്പോർട്സ് കോംപ്ലക്സും ഫുട്ബോൾ ടർഫും തുറന്നു. ഫുട്ബോൾ ടർഫിന്റെ ഉദ്ഘാടനം ഇന്ത്യൻ ഫുട്ബോൾ ടീം മുൻ ക്യാപ്റ്റൻ ഐ.എം.വിജയൻ നിർവഹിച്ചു.

ഇന്ത്യൻ ഫുട്ബോൾ ടീം മുൻ ക്യാപ്റ്റൻ കെ.വി.ധനേഷ് സ്പോർ ട്സ് കോംപ്ലക്സ് ഉദ്ഘാടനം ചെയ്തു. ജഴ്സ‌ി പ്രകാശനം ഫുട്‌ബോൾ താരം പി.കെ.ബാലചന്ദ്രനും ലോഗോ പ്രകാശനം മുൻവോളി ബോൾ ക്യാപ്റ്റൻ പി.വി.സുനിൽ കുമാറും നിർവഹിച്ചു. 40 ലക്ഷം രൂപ ചെലവഴിച്ചാണ്ടർഫ് നിർമാണം പൂർത്തിയാക്കിയത്. കായികരംഗത്ത് കുട്ടികൾക്ക് സൗജന്യ പരിശീലനമാണ് നൽകുന്നത്. മധ്യവേനലവധിക്കാലത്ത് കായികക്യാമ്പും നടത്തും. സമീപവിദ്യാലയങ്ങളിലെ കുട്ടി കൾക്കും ഇവിടെനിന്ന് സൗജന്യമായി പരിശീലനം നേടാം. ചടങ്ങിൽ കെ.ടി.അനീഷ് അധ്യക്ഷനായി. എൻ.വി.പ്രദീപ് മുഖ്യാതിഥിയായി. സ്കൂൾ മാനേജർ വത്സൻ മഠത്തിൽ, സി.പി.റഷീദ, ടി.വി.അരുണാചലം, പി.കെ.ശ്രീകാന്ത്, എ.വി.അഷ്റ ഫ്, പ്രിൻസിപ്പൽ ടി.പി.റീനാകുമാരി, പ്രഥമാധ്യാപകൻ കെ.പ്രകാശൻ എന്നിവർ സംസാരിച്ചു.

we one kerala sj