മലയാളികള് ആവേശത്തോടെ കാത്തിരിക്കുന്ന ആടുജീവിതം എന്ന ബ്രഹ്മാണ്ഡ ചിത്രം നാളെ തിയേറ്ററില് എത്തുമ്പോള്, ചിത്രത്തിന്റെ സംവിധായകന് ബ്ലെസി കടന്നുപോയ വഴികളെയും നേരിട്ട വെല്ലുവിളികളെയും കുറിച്ച് സംസാരിച്ചിരിക്കുകയാണ് എഴുത്തുകാരന് ബെന്യാമിന്. നിശ്ചദാര്ഢ്യം ഒന്നു കൊണ്ടുമാത്രം ഈ ചിത്രം എങ്ങനെയും മുടക്കുമെന്ന് വെല്ലുവിളിച്ചവരെ ഒരു പുഞ്ചിരി കൊണ്ട് നേരിട്ട ബ്ലെസിക്ക് കണ്ണീരുമ്മ എന്നാണ് അദ്ദേഹം തന്റെ ഫേസ്ബുക്ക് പോസ്റ്റില് കുറിച്ചിരിക്കുന്നത്.
‘നജീബേ, തീക്കാറ്റും വെയില് നാളവും നിന്നെ കടന്നു പോകും. നീ അവയ്ക്ക് മുന്നില് കീഴടങ്ങരുത്. തളരുകയുമരുത്’ എന്ന വാക്കുകള് ഹൃദയത്തില് വഹിച്ച് അയാള് മുന്നോട്ട് തന്നെ നടന്നു. ആ നിശ്ചയദാര്ഢ്യം കണ്ട് പിന്തിരിഞ്ഞു നടക്കാന് തീരുമാനിച്ചിരുന്നവര് പോലും കൂടെ കൂടി… ഒടുവില് ആ സ്വപ്നം പൂര്ണതയില് എത്തുമ്പോള് തിരികെ അദ്ദേഹത്തിന് നല്കാവുന്ന സ്നേഹം ആടുജീവിതം തിയേറ്ററില് പോയി കാണുക എന്നതാണെന്നും ബെന്യാമിന് ഓര്മിപ്പിക്കുന്നു.
WEONE KERALA SM