എച്ച്എംപിവി; ഭയപ്പെടേണ്ടതില്ലെന്ന് ചൈന, വേണ്ടി വരുമോ വീണ്ടും അടച്ചുപൂട്ടൽ?

 


കൊവിഡിന് ശേഷം വീണ്ടുമൊരു പകർച്ച വ്യാധിയുടെ സൂചനകൾ ചൈനയിൽ മാത്രമല്ല മറ്റു രാജ്യങ്ങളിലും ആശങ്ക പടർത്തുന്നുണ്ട്. അതേസമയം എച്ച്എംപിവി ആരോഗ്യ മന്ത്രാലയത്തിൻ്റെ നിയന്ത്രണത്തിലാണെന്നും ഭയപ്പെടേണ്ടതില്ലെന്നും ചൈന പറയുന്നു. ശൈത്യകാല ശ്വാസകോശ രോഗം മാത്രമാണിതെന്നും കേസുകളിൽ അസാധാരണ വ‍ർധനവില്ലെന്നും ചൈന വ്യക്തമാക്കിയിട്ടുണ്ട്. ചൈനയുടെ വാദം ഇങ്ങനെയാണെങ്കിലും 14 വയസ്സിന് താഴെയുള്ള കുട്ടികളിൽ എച്ച്എംപിവി വളരെ വേഗം പടരുമെന്ന റിപ്പോ‍ർട്ടുകൾ ആശങ്കക്കിടയാക്കിയിട്ടുണ്ട്.
ബ്രോങ്കൈറ്റിസ്, ന്യുമോണിയ തുടങ്ങിയ സങ്കീർണതകൾക്ക് സാധ്യതയുള്ളതാണ് എച്ച്എംപിവി വൈറസ് ബാധ. ചുമ , പനി, ശ്വാസതടസ്സം എന്നിവയാണ് ലക്ഷണങ്ങൾ. യുഎസിലും കാനഡയിലും, യൂറോപ്പ്യൻ രാജ്യങ്ങളിലും 2011–12ൽ എച്ച്എംപിവി കേസുകൾ റിപ്പോർട്ട് ചെയ്തിരുന്നു.
നാഷണൽ സെൻ്റർ ഫോർ ഡിസീസ് കൺട്രോൾ രാചൈനയിലെ കേസുകൾ സൂക്ഷ്മമായി നിരീക്ഷിക്കുന്നുണ്ട്.
അതേസമയം ചൈനയിൽ വൈറസ്ബാധ പൊട്ടിപ്പുറപ്പെടാനുള്ള സാധ്യതയുണ്ടെന്ന സൂചനകളുണ്ട്.
ഇന്ത്യയിൽ കേന്ദ്രസർക്കാർ സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണ്.


വീണ്ടുമൊരു അടച്ചുപൂട്ടൽ ഉണ്ടാകുമോ?

കൊവിഡ് ചൈനക്ക് മാത്രമല്ല ലോക രാജ്യങ്ങൾക്കെല്ലാം വലിയ ആഘാതമാണ് സൃഷ്ടിച്ചത്.
ചൈനയിലെ കൊവിഡ് നിയന്ത്രണങ്ങളും അടച്ചുപൂട്ടലുമൊക്കെ രാജ്യത്തിൻ്റെ സമ്പദ്‌വ്യവസ്ഥയെ ബാധിച്ചു. കൊവിഡിന് ശേഷമുള്ള മൂന്ന് വർഷങ്ങളിൽ, ചൈനയുടെ സാമ്പത്തിക വളർച്ചാ നിരക്കിൻ്റെ വേഗം കുറഞ്ഞു. കൊവിഡ് നിയന്ത്രണങ്ങൾക്ക് ശേഷം രാജ്യം ഉൽപ്പാദന ശേഷി വീണ്ടെടുത്തെങ്കിലും വീണ്ടുമൊരു പക‌‍ർച്ച വ്യാധി വ്യാപനം ഉണ്ടായാൽ അത് ചൈനയെ മാത്രല്ല മറ്റ് രാജ്യങ്ങളെയും സാരമായി ബാധിക്കും.


സ്ഥിതിഗതികൾ രൂക്ഷമാകുന്നത് ഉൽപ്പാദനത്തെയും ഉപഭോഗത്തെയും മറ്റ് മേഖലകളെയും ബാധിക്കാം. എന്നാൽ കൊവിഡ് കാലത്തെ പ്രതിസന്ധിയിൽ നിന്ന് ചൈന തിരിച്ചുവരികയാണ്. ചൈനയുടെ ഉൽപ്പാദന മേഖലയെ ആഗോള രാജ്യങ്ങൾ ആശ്രയിക്കുന്നതും വർധിച്ചിട്ടുണ്ട്. കൊവിഡ് പ്രതിസന്ധി ഉയർന്ന് നിൽക്കുമ്പോൾ പോലും ചൈനയിലെ വിദേശ നിക്ഷേപം വളരെ സജീവമായിരുന്നുവെന്നും പകർച്ചവ്യാധി വ്യാപനത്തിൻ്റെ സാധ്യതകൾ ആശങ്ക ഉയ‍ർത്തുന്നില്ലെന്നതുമാണ് ചൈനയുടെ വിശദീകരണം.


ചൈനീസ് സമ്പദ് വ്യവസ്ഥയെ ഉത്തേജിപ്പിക്കാൻ ചൈനീസ് സർക്കാർ വിവധ നടപടികൾ സ്വീകരിക്കുന്നുണ്ട്. ഇറക്കുമതിയെ ആശ്രയിക്കുന്നത് കുറയ്ക്കാനും ആഭ്യന്തര ഉൽപാദനം വർധിപ്പിക്കാനും ചൈന ശ്രമിക്കുന്നുണ്ട്. സാമ്പത്തിക വളർച്ചയും ഉൽപ്പാദനക്ഷമതയും വർധിപ്പിക്കുന്നതിനായി വിദ്യാഭ്യാസം, ഡിജിറ്റൽ ഇൻഫ്രാസ്ട്രക്ചർ, പുതിയ സാങ്കേതികവിദ്യകൾ തുടങ്ങിയ മേഖലകളിൽ ചൈന നിക്ഷേപം നടത്തുകയാണ്. ഇതിനിടയിലാണ് ഒരു പകർച്ചവ്യാധിയുടെ സൂചനകൾ എത്തുന്നത്.
WE ONE KERALA -NM 





Post a Comment

Previous Post Next Post

AD01

 


AD02