രാജ്യവ്യാപകമായി സംരംഭകർക്കായി വാതിൽ തുറക്കാനൊരുങ്ങുകയാണ് ഹരിയാന ; സ്റ്റാർട്ടപ്പ് ഹബ്ബാകാൻ ഒരുങ്ങി ഹരിയാന

 


രാജ്യത്തെ സ്റ്റാ‍ട്ടപ്പ് ഹബ്ബായി ഹരിയാനയെ ഉയർത്താൻ പദ്ധതികളുമായി സർക്കാർ.

ഹരിയാന മുഖ്യമന്ത്രി നയാബ് സിംഗ് സൈനി അടുത്തിടെ സ്റ്റാർട്ടപ്പ് സംരംഭകരുമായി കൂടിക്കാഴ്ച നടത്തി പ്രത്യേക പദ്ധതി പ്രഖ്യാപിച്ചു. , സംസ്ഥാനത്തെ സ്റ്റാർട്ടപ്പുകളുടെ കേന്ദ്രമാക്കാൻ ഒരുങ്ങുകയാണ് സർക്കാർ.. മെയ്ക്ക് ഇൻ ഇന്ത്യ, സ്റ്റാർട്ടപ്പ് ഇന്ത്യ പദ്ധതികളുടെ സഹായത്തോടെ ഹരിയാനയുടെ മുഖം മാറ്റുകയാണ് ലക്ഷ്യം.

സംസ്ഥാനത്ത് സാമ്പത്തിക വളർച്ച വർധിപ്പിക്കുക മാത്രമല്ല യുവാക്കൾക്ക് തൊഴിലവസരങ്ങൾ സൃഷ്ടിക്കുകയും ലക്ഷ്യമിടുന്നുണ്ട്. രാജ്യവ്യാപകമായി സംരംഭകർക്കായി വാതിൽ തുറക്കാനൊരുങ്ങുകയാണ് ഹരിയാന. ‌ ഹരിയാനയിലെ സ്റ്റാർട്ടപ്പുകളുടെ എണ്ണം മൂന്നിരട്ടിയായി വർധിപ്പിക്കുകയാണ് ലക്ഷ്യം. പുതിയ സ്റ്റാർട്ടപ്പുകളെ പ്രോത്സാഹിപ്പിക്കുന്നതിന് പിന്തുണ നൽകണമെന്ന് സംസ്ഥാനത്തെ സംരംഭകരോട് സൈനി അഭ്യർത്ഥിച്ചിട്ടുണ്ട്.


കൂട്ടായ പ്രവർത്തനത്തിലൂടെ സംസ്ഥാനത്തിൻ്റെ സമഗ്ര വികസനത്തിന് സംഭാവന നൽകാൻ പുതിയ നയത്തിന് ആകും. സ്റ്റാർട്ടപ്പുകളെ കൂടുതൽ പ്രോത്സാഹിപ്പിക്കുന്നതിനും സംരംഭകർക്ക് ബിസിനസ് പിന്തുണ നൽകുന്നതിനുമായി 2025-26 ബജറ്റിൽ പുതിയ പദ്ധതികൾ അവതരിപ്പിച്ചേക്കും. 2047-ഓടെ ഇന്ത്യയെ വികസിത രാഷ്ട്രമാക്കി മാറ്റാനുള്ള പ്രധാനമന്ത്രി നരേന്ദ്ര മോദിയുടെ കാഴ്ചപ്പാടിന് അനുസൃതമായി, ഹരിയാനയെ വികസിപ്പിക്കുകയാണ് ലക്ഷ്യം. വ്യാവസായിക വളർച്ചയും വികസനവും പ്രോത്സാഹിപ്പിക്കുന്നതിന് ലക്ഷ്യമിട്ടുള്ള നയങ്ങളിലൂടെ സർക്കാർ ഇതിനകം തന്നെ വിവിധ ആനുകൂല്യങ്ങൾ വാഗ്ദാനം ചെയ്യുന്നുണ്ട്.

ബജറ്റിന് മുന്നോടിയായി ഹരിയാന സർക്കാർ പൗരന്മാരിൽ നിന്നും വ്യവസായികളിൽ നിന്നും നി‍ർദേശങ്ങൾ ആരായുന്നുണ്ട്. 2025-26 സാമ്പത്തിക വർഷത്തെ ബജറ്റിൽ ഹരിയാനയുടെ വികസനത്തിലുള്ള സമഗ്രപദ്ധതികൾ ഉണ്ടായേക്കും. സമൂഹത്തിലെ എല്ലാ വിഭാഗങ്ങളുടെയും ക്ഷേമം ഉറപ്പാക്കുകയും ഹരിയാനയുടെ സമഗ്ര വികസനം പ്രോത്സാഹിപ്പിക്കുകയും ചെയ്യുന്ന ബജറ്റ് തയ്യാറാക്കുകയാണ് ഈ ലക്ഷ്യം.

ഹരിയാനയിലെ ഗുരുഗ്രാം ഇപ്പോൾ സ്റ്റാർട്ടപ്പ് ആവാസവ്യവസ്ഥയുടെ കേന്ദ്രമാണ്. , നിലവിൽ സംസ്ഥാനത്ത് ഏകദേശം 7300ൽ അധികം സ്റ്റാർട്ടപ്പുകൾ രജിസ്റ്റർ ചെയ്തിട്ടുണ്ട്.

കൂടുതൽ സ്റ്റാർട്ടപ്പുകളെ ശാക്തീകരിക്കുകയാണ് സർക്കാർ ലക്ഷ്യമിടുന്നത്. സ്റ്റാർട്ടപ്പുകളുടെ വികസനം, ഇൻകുബേഷൻ സെൻ്ററുകൾ, റെഗുലേറ്ററി സപ്പോർട്ട്, വനിതാ സംരംഭകത്വ പ്രോത്സാഹനം, വിദ്യാർത്ഥി സംരംഭകത്വ വികസനം, ബോധവൽക്കരണം എന്നിങ്ങനെ മികച്ച സ്റ്റാർട്ടപ്പ് ഇക്കോസിസ്റ്റം സംസ്ഥാനത്തിനുണ്ട്. കൂടുതൽ നിക്ഷേപം ആക‍ർഷിക്കാൻ ആയാൽ ഹരിയാന ഈ രംഗത്ത് വരും വർഷങ്ങളിൽ വലിയ മുന്നേറ്റം നടത്തും
WE ONE KERALA -NM 




Post a Comment

Previous Post Next Post

AD01

 


AD02