.jpg)
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶುಕ್ರವಾರದಂದು ಪಂಜಾಬ್ ಕಿಂಗ್ಸ್ ತಂಡದ ವಿರುದ್ಧ ಅನುಭವಿಸಿದ್ದ ಸೋಲಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಕೇವಲ 2 ದಿನದಲ್ಲೇ ತಿರುಗೇಟು ನೀಡಿದೆ. ಅದೂ ಪಂಜಾಬ್ ಕಿಂಗ್ಸ್ ತವರು ಮೈದಾನವಾದ ಮುಲ್ಲನ್ ಪುರ್ ಕ್ರೀಡಾಂಗಣದಲ್ಲಿ! ಈ ಮೂಲಕ ಆಡಿರುವ 8 ಪಂದ್ಯಗಳಲ್ಲಿ 5 ಗೆಲುವಿನೊಂದಿಗೆ 10 ಅಂಕಗಳನ್ನು ಕಲೆಹಾಕಿ ಅಂಕಪಟ್ಟಿಯಲ್ಲಿ 3ನೇ ಸ್ಥಾನಕ್ಕೇರಿದೆ.
ಮುಲ್ಲನ್ ಪುರದ ಮಹಾರಾಜ ಯಾದವೀಂದ್ರ ಸಿಂಗ್ ಅಂತಾರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಆರ್ ಸಿಬಿ ತಂಡ ಪಂಜಾಬ್ ಕಿಂಗ್ಸ್ ವಿರುದ್ಧ 9 ವಿಕೆಟ್ ಗಳಿಂದ ಗೆಲುವು ಸಾಧಿಸಿತು. ಗೆಲುವಿಗೆ 158 ರನ್ ಗಳ ಗುರಿ ಪಡೆದ ಆರ್ ಸಿಹಿ ಇನ್ನೂ 9 ಎಸೆತಗಳು ಬಾಕಿ ಇರುವಂತೆ ಗುರಿ ತಲುಪಿತು. ಮಾಜಿ ನಾಯಕ ವಿರಾಟ್ ಕೊಹ್ಲಿ(73) ಮತ್ತು ಕನ್ನಡಿಗ ದೇವದತ್ ಪಡಿಕ್ಕಲ್(61) ಅವರು ಗೆಲುವಿನ ರೂವಾರಿಗಳಾದರು.
ರನ್ ಗಳಿಸಲು ಒದ್ದಾಡಿದ ಪಂಜಾಬ್
ಇದಕ್ಕೂ ಮೊದಲು ಟಾಸ್ ಸೋತು ಬ್ಯಾಟಿಂಗ್ ಮಾಡಿದ ಪಂಜಾಬ್ ಕಿಂಗ್ಸ್ ಉತ್ತಮ ಆರಂಭ ಪಡೆದರೂ ಅದನ್ನು ಕೊನೆವರೆಗೆ ಮುಂದುವರಿಸಲು ಸಾಧ್ಯವಾಗಲಿಲ್ಲ. ಪ್ರಿಯಾಂಶ್ ಆರ್ಯ ಮತ್ತು ಪ್ರಭ್ ಸಿಮ್ರಾನ್ ಸಿಂಗ್ ಅವರು ಪ್ರಥಮ ವಿಕೆಟ್ ಗೆ 4.2 ಓವರ್ ಗಳಲ್ಲಿ 42 ರನ್ ಗಳ ಜೊತೆಯಾಟವಾಡಿದರು. ಪ್ರಿಯಾಂಶ್ ಆರ್ಯ ಅವರು 15 ಎಸೆತಗಳಲ್ಲಿ 3 ಬೌಂಡರಿ ಮತ್ತು 1 ಸಿಕ್ಸರ್ ಗಳಿದ್ದ 22 ರನ್ ಗಳಿಸಿ ಕೃನಾಲ್ ಪಾಂಡ್ಯ ಬೌಲಿಂಗ್ ನಲ್ಲಿ ಟಿಂ ಡೇವಿಡ್ ಗೆ ಕ್ಯಾಚ್ ನೀಡಿದರು.ಈ ವಿಕೆಟ್ ಪತನದ ಬಳಿಕ ಸರಿಯಾಗಿ 20 ರನ್ ಗಳು ಬಂದ ನಂತರ ಇಂಪ್ಯಾಕ್ಟ್ ಪ್ಲೇಯರ್ ಆಗಿದ್ದ ಮತ್ತೊಬ್ಬ ಆರಂಭಿಕ ಪ್ರಭ್ ಸಿಮ್ರಾನ್ ಸಿಂಗ್ ಅವರನ್ನು ಸಹ ಕೃನಾಲ್ ಪಾಂಡ್ಯ ಅವರೇ ಮತ್ತೆ ಟಿಂ ಡೇವಿಡ್ ಗೆ ಕ್ಯಾಚ್ ಕೊಡಿಸುವಲ್ಲಿ ಯಶಸ್ವಿಯಾದರು. 17 ಎಸೆತಗಳನ್ನು ಎದುರಿಸಿದ ಪ್ರಭ್ ಸಿಮ್ರಾನ್ ಸಿಂಗ್ ಅವರು 5 ಬೌಂಡರಿ ಮತ್ತು 1 ಸಿಕ್ಸರ್ ಒಳಗೊಂಡ 33 ರನ್ ಗಳಿಸಿದರು.
ಇಲ್ಲಿಂದ ಬಳಿಕ ಆಱ್ ಸಿಬಿ ಬೌಲರ್ ಗಳ ಕೈ ಮೇಲಾಯಿತು. ಶ್ರೇಯಸ್ ಅಯ್ಯರ್ (6) ಅವರನ್ನು ಶೆಫರ್ಡ್ ಅವರು ಕೃನಾಲ್ ಪಾಂಡ್ಯ ಗೆ ಕ್ಯಾಚ್ ಕೊಡಿಸಿದರು. ಇದಾದ ಬಳಿಕ ಕಳೆದ ಪಂದ್ಯದ ಹೀರೋ ನೇಹಾಲ್ ವಧೇರಾ ಅವರ(5) ಅವರು ರನೌಟ್ ಆದರು. ಈ ಹಂತದಲ್ಲಿ ಜೋಶ್ ಇಂಗ್ಲಿಸ್(29) ಕೆಲ ಬಿರುಸಿನ ಹೊಡೆತಗಳನ್ನು ಹೊಡೆದರು. ಮತ್ತು ಶಶಾಂಕ್ ಸಿಂಗ್( ಅಜೇಯ 31) ಅವರು ವೇಗವಾಗಿ ರನ್ ಗಳಿಸಲು ಯಶಸ್ವಿಯಾಗಲಿಲ್ಲ. ಅಂತಿಮವಾಗಿ ಮಾರ್ಕೋ ಯಾನ್ಸನ್ ಅವರು ಎರಡು ಸಿಕ್ಸರ್ ಗಳನ್ನು ಹೊಡೆದಿದ್ದರಿಂದ 150 ರನ್ ಗಳ ಗಡಿ ದಾಟುವಂತಾಯಿತು. ಆರ್ ಸಿಬಿ ಪರ ಸ್ಪಿನ್ನರ್ ಗಳಾದ ಕೃನಾಲ ಪಾಂಡ್ಯ ಮತ್ತು ಸುಯಶ್ ಶರ್ಮಾ ತಲಾ 2 ವಿಕೆಟ್ ಕಬಳಿಸಿದರು. ಉಳಿದೊಂದು ವಿಕೆಟ್ ರೊನಾರಿಯೋ ಶೆಪರ್ಡ್ ಪಾಲಾಯಿತು.
ಸಂಕ್ಷಿಪ್ತ ಸ್ಕೋರ್
- ಪಂಜಾಬ್ ಕಿಂಗ್ಸ್ 20 ಓವರ್ ಗಳಲ್ಲಿ 157/6, ಪ್ರಭ್ ಸಿಮ್ರಾನ್ ಸಿಂಗ್ 33, ಶಶಾಂಕ್ ಸಿಂಗ್ ಅಜೇಯ 31, ಮಾರ್ಕೋ ಯಾನ್ಸನ್ ಅಜೇಯ 25, ಕೃನಾಲ್ ಪಾಂಡ್ಯ 18ಕ್ಕೆ 1, ಸುಯಶ್ ಶರ್ಮಾ 26ಕ್ಕೆ 2, ಶೆಫರ್ಡ್ 18ಕ್ಕೆ 1
- ರಾಯಲ್ ಚಾಲೆಂಜರ್ಸ್ 18.5 ಓವರ್ ಗಳಲ್ಿ 159/3, ವಿರಾಟ್ ಕೊಹ್ಲಿ ಅಜೇಯ73, ದೇವದತ್ ಪಡಿಕ್ಕಲ್ 61, ಜಿತೇಶ್ ಶರ್ಮಾ ಔಟಾಗದೆ 11, ಹರ್ ಪ್ರೀತ್ ಬ್ರಾರ್ 27ಕ್ಕೆ 1, ಅರ್ಶದೀಪ್ ಸಿಂಗ್ 26ಕ್ಕೆ 1, ಚಹಲ್ 36ಕ್ಕೆ 1\
إرسال تعليق