തിരുവനന്തപുരം: സിഎംആര്എല്-എക്സാലോജിക് സാമ്പത്തിക ഇടപാടുമായി ബന്ധപ്പെട്ട് പ്രതിപക്ഷ നേതാവ് പിണറായി വിജയനെതിരെ കേസെടുത്ത് അന്വേഷണം നടത്തണമെന്ന ഇ ഡിയുടെ കത്തില് തുടര്നീക്കം വൈകും. 16-ാം തിയതിക്ക് ശേഷമായിരിക്കും തുടര്നടപടി സംബന്ധിച്ച തീരുമാനം എടുക്കുക. വിദേശത്തുള്ള ആഭ്യന്തരമന്ത്രി രമേശ് ചെന്നിത്തല നാട്ടില് മടങ്ങിയെത്തിയതിന് ശേഷമാകും തുടര്നടപടികള് സ്വീകരിക്കുക. കത്ത് അനുസരിച്ച് ഉടനടി തന്നെ കേസ് രജിസ്റ്റര് ചെയ്യേണ്ടതില്ലെന്നാണ് സര്ക്കാര് തീരുമാനം. വിഷയത്തില് സര്ക്കാര് നിയമോപദേശം തേടി. പെട്ടെന്ന് തീരുമാനമെടുത്താല് ഇത് രാഷ്ട്രീയ തിരിച്ചടികള്ക്ക് കാരണമാകുമെന്ന് സര്ക്കാര് ആശങ്കപ്പെടുന്നുണ്ട്. ഇ ഡി നടപടി രാഷ്ട്രീയ നീക്കമെന്ന പ്രചാരണം സിപിഐഎം ശക്തമാക്കുന്ന പശ്ചാത്തലത്തില് കൂടിയാണ് സര്ക്കാര് അതീവ ജാഗ്രതയോടെ നീങ്ങുന്നത്. അതേസമയം പിണറായി വിജയനെതിരായ ഇ ഡി നീക്കം സിപിഐഎം വിശാല സംസ്ഥാനസമിതി ചര്ച്ച ചെയ്യുമെന്ന് എ വിജയരാഘവന് വ്യക്തമാക്കി.ഇഡി സത്യസന്ധമായി പ്രവര്ത്തിക്കുന്ന സ്ഥാപനം അല്ലെന്ന് എ വിജയരാഘവന് പറഞ്ഞു. പാര്ട്ടിയെ ദുര്ബലപ്പെടുത്താന് പിണറായി ലക്ഷ്യം വെയ്ക്കുന്നു. ചെയ്യുന്നത് തെറ്റായ കാര്യമാണ്. സിപിഎം നേതൃത്വത്തില് അഴിമതിക്ക് വിധേയനായ ഒരാളും ഉണ്ടാവില്ല. അത് കണ്ടെത്താനുള്ള ശേഷി പാര്ട്ടിക്കുണ്ടെന്നും എ വിജയരാഘവന് പറഞ്ഞു. പാര്ട്ടിയില് എവിടെയൊക്കെ തിരുത്തലുകള് വേണ്ടതുണ്ടോ, അവിടെയെല്ലാം തിരുത്തുമെന്ന് സിപിഐഎം സംസ്ഥാന സെക്രട്ടേറിയേറ്റ് അംഗം പി എ മുഹമ്മദ് റിയാസും പ്രതികരിച്ചു.
0 Comments