ജനാധിപത്യപരമായി സമരം ചെയ്യുന്നവരെ അടിച്ചമർത്തുന്ന ക്രിമിനൽ പൊലീസിനെ നിയന്ത്രിക്കാൻ സർക്കാർ അടിയന്തരമായി തയ്യാറാകണമെന്ന് പ്രതിപക്ഷ നേതാവ് പിണറായി വിജയൻ. പാലക്കാട് എസ്എഫ്ഐ മാർച്ചിനിടെ മദ്യപിച്ചെത്തിയ ഒരു പൊലീസുകാരൻ അതിക്രൂരമായ മർദനമാണ് വിദ്യാർഥികൾക്ക് നേരെ അഴിച്ചുവിട്ടതെന്നും ഇയാൾക്കെതിരെ നടപടിയെടുക്കാൻ നിയമസഭയിൽ പ്രതിപക്ഷം ശക്തമായി ആവശ്യപ്പെട്ടപ്പോഴാണ് സസ്പെൻഡ് ചെയ്തതെന്നും അദ്ദേഹം ചൂണ്ടിക്കാണിച്ചു. പാലക്കാട് എസ്എഫ്ഐ നടത്തിയ മാർച്ചിനു നേരെയുണ്ടായ പൊലീസ് അതിക്രമം നാടിനെ ഞെട്ടിക്കുന്നതാണെന്നും പ്രതിപക്ഷ നേതാവ് ഫേസ്ബുക്കിലൂടെ പ്രതികരിച്ചു. എസ്ഐആർ വിഷയത്തിൽ നടക്കുന്ന പ്രക്ഷോഭങ്ങളെ സംഘപരിവാർ മാതൃകയിൽ ലാത്തിയും ലഹരിയും നൽകി ക്രിമിനലുകളെ ഉപയോഗിച്ച് അടിച്ചമർത്താനാണ് ഇവിടെ യുഡിഎഫ് സർക്കാരും ശ്രമിക്കുന്നതെന്നും അദ്ദേഹം വിമർശിച്ചു.
0 تعليقات