സിബിഐ ചിത്രങ്ങൾ മലയാളത്തിൽ ഒരുക്കി വലിയ ആരാധകരെ ഉണ്ടാക്കിയ ടീം ആണ് കെ മധുവും എസ് എൻ സ്വാമിയും.
മമ്മൂട്ടി സേതുരാമയ്യർ സിബിഐ ആയി എത്തിയ ചിത്രങ്ങൾ എല്ലാം വമ്പൻ ഹിറ്റായിരുന്നു. ചിത്രത്തിൻ്റെ നാല് ഭാഗങ്ങൾ ആണ് ഇതുവരെ ഇറങ്ങിയത്. ഇപ്പോൾ അഞ്ചാം ഭാഗം റിലീസിന് തയാറായിരിക്കുകയാണ്. സിബിഐ 5 ദ ബ്രെയ്ൻ എന്ന് പേരിട്ടിരിക്കുന്ന സിനിമയുടെ സെൻസറിങ് പൂർത്തിയാക്കുകയു൦ ചിത്രത്തിൻ്റെ റിലീസ് തീയതി പുറത്തുവിടുകയും ചെയ്തു. ചിത്രം U/A സർട്ടിഫിക്കറ്റുമായി ലോകമെമ്പാടുമുള്ള തീയറ്ററുകളിൽ മെയ് ഒന്നിന് പ്രദർശനത്തിന് എത്തും.
അഞ്ചാം ഭാഗത്തിൽ ജഗതി ശ്രീകുമാറും അഭിനയിക്കുന്നു എന്നതാണ് ഏറ്റവും വലിയ അപ്ഡേറ്റ്. ജഗതി ശ്രീകുമാർ ഇതുവരെയുള്ള എല്ലാ ഭാഗങ്ങളും അഭിനയിച്ചിട്ടുണ്ട്. സേതുരാമയ്യരുടെ അസിസ്റ്റന്റായ വിക്രം എന്ൻ കഥാപാത്രത്തെയാണ് അദ്ദേഹം ചിത്രങ്ങളിൽ അവതരിപ്പിച്ചത്.അഭിനയ രംഗത്ത് നിന്നു 2012 ൽ നടന്ന ഒരു വാഹനാപകടത്തിൽ ഗുരുതരമായ പരിക്കേറ്റതിനെ തുടർന്ന് വിട്ടുനിന്ന ജഗതി ശ്രീകുമാർ ഒരു പരസ്യചിത്രത്തിലും സിനിമയിലും കഴിഞ്ഞവർഷം അഭിനയിച്ചു. സിനിമ റിലീസായിട്ടില്ല. സി.ബി.ഐ 5ൽ ജഗതി അഭിനയിക്കുന്ന രംഗങ്ങൾ ജഗതി ശ്രീകുമാറിന്റെ ആരോഗ്യസ്ഥിതി കണക്കിലെടുത്ത് തിരുവനന്തപുരത്ത് പേയാടുള്ള അദ്ദേഹത്തിന്റെ വസതിയിൽത്തന്നെ ചിത്രീകരിച്ചു.16 വർഷങ്ങൾക്ക് ശേഷം ആണ് അഞ്ചാം ഭാഗം എത്തുന്നത്. ചിത്രത്തിന്റെ പൂജയും സ്വിച്ചോണ് കര്മ്മവും നവംബർ 29നാണു നടന്നത് .രമേശ് പിഷാരടി ദിലീഷ് പോത്തൻ, ലിജോ ജോസ് പെല്ലിശ്ശേരി, സൗബിൻ ഷാഹിർ, ആശാ ശരത്, സായ്കുമാർ, രൺജി പണിക്കർ എന്നിവരാണ് ഈ ഭാഗത്തിലെ താരങ്ങൾ. എസ്.എൻ. സ്വാമിയുടെ തിരക്കഥയിൽ കെ. മധു സംവിധാനം ചെയ്ത് പുറത്തിറക്കിയ സിബിഐ ചലച്ചിത്ര പരമ്പരയിലെ പ്രധാന കഥാപാത്രമാണ് സേതുരാമയ്യർ.
മമ്മൂട്ടി ആണ് സേതുരാമയ്യരായി വേഷമിട്ടത്. ഒരു സി.ബി.ഐ. ഡയറിക്കുറിപ്പ് (1988), ജാഗ്രത (1989), സേതുരാമയ്യർ സിബിഐ (2004), നേരറിയാൻ സി.ബി.ഐ. (2005) എന്നീ ചലച്ചിത്രങ്ങളിലാണ് സേതുരാമയ്യർ പ്രത്യക്ഷപ്പെടുന്നത്. പ്രത്യേകമായ രൂപഭാവവും വസ്ത്രധാരണാരീതിയും കുറ്റാന്വേഷണത്തിലെ വേറിട്ട വഴികളും സേതുരാമയ്യരെ വ്യത്യസ്തനാക്കി.