.gif)
പയ്യാവൂർ: കേരളത്തിലെ ഇടത് സർക്കാറിനും ഇടത് നേതാക്കൾക്കും സാധരണക്കാരോട് പുച്ച മനോഭാവമാണന്ന് കേരള കോൺഗ്രസ് ജില്ലാ പ്രസിഡണ്ട് അഡ്വ റോജസ് സെബാസ്റ്റ്യൻ. ജനങ്ങൾ സാമ്പത്തികപ്രതിസന്ധി കാരണം ജിവിക്കണോ മരിക്കണോയെന്നുള്ള ആശയ കുഴപ്പത്തിലാണ്. ഈ സാഹചര്യത്തിലാണ് നികുതി ഉൾപ്പെടെ നിത്യോപയോഗ സാധങ്ങളുടെ വില ഇരട്ടിയായി വർദ്ധിക്കുകയും, കാർഷിക വിഭവങ്ങളുടെ ഉദ്പ്പാദനവും, വിലയും കുത്തനെ ഇടിയുകയും ചെയ്തത്. ജപതി നടപടികൾ ഒരു മനസാക്ഷിയുമില്ലാതെ നടപ്പാക്കുകയാണ്. ജനങ്ങളുടെ കരച്ചിൽ കണ്ട് ആസ്വദിക്കുകയാണ് ഈ സർക്കാരെന്നും അദ്ദേഹം പറഞ്ഞു. ഇരിക്കൂർ നിയോജക മണ്ഡലം കൺവെൻഷൻ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. നിയോജക മണ്ഡലം പ്രസിഡണ്ട് സാബു മണിമല, വർഗ്ഗിസ് വയലാമണ്ണിൽ, ടെൻസൺ ജോർജ് കണ്ടത്തിങ്കര, ജോയ് തെക്കേടം,ടോമി വെട്ടിക്കാന, ജോസ് വണ്ടാക്കുന്നേൽ, ഷീബ തെക്കേടം, കെ.ജെ മത്തായി, ടോമി സെബാസ്റ്റ്യൻ തുടങ്ങിയവർ സംസാരിച്ചു.
