യു.ഡി.എഫ് കുറ്റ്യാട്ടൂർ പഞ്ചായത്ത്‌ കമ്മറ്റി മാർച്ചും ധർണ്ണയും സംഘടിപ്പിച്ചു

കുറ്റ്യാട്ടൂർ: പിണറായി സർക്കാരിന്റെ ഭീമമായ കെട്ടിട നികുതി, പെർമിറ്റ് ഫീസ് കൊള്ളക്ക് എതിരെ യു ഡി എഫ് കുറ്റ്യാട്ടൂർ പഞ്ചായത്ത്‌ കമ്മറ്റി ആഭിമുഖ്യത്തിൽ പഞ്ചായത്ത്‌ ഓഫീസിലേക്ക് മാർച്ചും ധർണ്ണയും സംഘടിപ്പിച്ചു. യു ഡി എഫ് പഞ്ചായത്ത്‌ ചെയർമാൻ ഹാഷിം ഇളമ്പയിലിന്റെ അധ്യക്ഷതയിൽ ഡി സി സി ജനറൽ സെക്രട്ടറി രജിത്ത് നാറാത്ത് ഉദ്ഘാടനം നിർവഹിച്ചു. ജില്ലാ യൂത്ത് ലീഗ് വൈസ് പ്രസിഡണ്ട് അലി മങ്കര മുഖ്യപ്രഭാഷണം നടത്തി. എ അബ്ദുൾ ഖാദർ മൗലവി, കെ കെ എം ബഷീർ മാസ്റ്റർ, പി കെ ഷംസുദ്ധീൻ, പി വി സതീശൻ, അമൽ കുറ്റ്യാട്ടൂർ എന്നിവർ സംസാരിച്ചു. പത്മനാഭൻ മാസ്റ്റർ സ്വാഗതവും ആർ രാഹുലൻ നന്ദിയും രേഖപ്പെടുത്തി.