.jpg)
.gif)
ഇരിട്ടി: വിശക്കുന്നവർക്ക് ഒരു നേരത്തെ ആഹാരം നൽകുന്ന ഇരിട്ടി പോലീസും ജെസിഐയും ചേർന്ന് പൗരാവലിയുടെ സഹായത്തോടെ നടപ്പിലാക്കിയ അന്നം അഭിമാനം വിശപ്പ് രഹിത ഇരിട്ടി പദ്ധതിയുടെ ഭാഗമായി ഞായറാഴ്ച്ച ദിവസത്തെ ഉച്ചഭക്ഷണം നൽകി. ഇരിട്ടി ഹയർ സെക്കണ്ടറി സ്കൂൾ 1992 SSLC ബാച്ചിലെ പൂർവ്വ വിദ്യാർത്ഥികളും ജീവകാരുണ്യ പ്രവർത്തനത്തിൽ പങ്കാളികളായി. ഇരിട്ടി പൊലിസ് സ്റ്റേഷനു മുന്നി ലൊരുക്കിയ ഭക്ഷണ ശേഖരണ -വിതരണ കേന്ദ്രത്തിൽ വെച്ചു നടന്ന ചടങ്ങിൽ ഇരിട്ടി പൊലിസ് അസി. സബ് ഇൻസ്പെക്ടർ സി.പി.ഷാജൻ, അന്നം അഭിമാനം പദ്ധതി കമ്മിറ്റിയംഗം സന്തോഷ് കോയിറ്റി എന്നിവർ ചേർന്ന് 92ബാച്ച് കൂട്ടായ്മയുടെ ഭാരവാഹികളിൽനിന്നും ഉച്ചഭക്ഷണം ഏറ്റുവാങ്ങി. 92 ബാച്ച് പ്രതിനിധി കളായ സി.പി.ബിജു, ഷാജി കുറ്റ്യാടൻ, പി. കെ. ജനാർദ്ദനൻ, പ്രദീപൻ ചാക്കാട്, ടി. എം. ഫക്രുദ്ധീൻ, അന്തിൽ, സി.ശ്രീലേഷ് കീഴൂർ, സോണി എം.ജോർജ്ജ് എന്നിവർ നേതൃത്വം നൽകി.
